為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 城中人.事 2017 年 01 月 02 日

嘉咸市集重開 延續豬肉佬的街坊情

中環嘉咸街的露天市集有逾一百年歷史,但隨嘉咸街重建,市建局在嘉咸街與結志街交界興建的「嘉咸市集」上月啟用,讓老商舖延續一代人的感情。

做了四十五年「豬肉佬」的新哥,直言與街坊感情「Very Good」,他笑說︰「有好多客我睇住佢大,好似個新抱來買,之後到佢啲仔女來買,仲會喺Facebook度問候我哋,有啲客搬咗去太古城同長洲,都會返來買!」

環境改變,新哥與客人的感情仍然不變,皆因用心去斬每一塊豬肉,「我哋講個信字,平貴唔係問題,好多客打電話來訂,價錢都唔問,我話一千佢就畀一千,大家信得過大家,做生意就係咁!」

不過,新哥慨嘆第四代無人接班,「辛苦嘛,我哋每日凌晨四點半就開工,做到夜晚七點,又無假又無福利,點會有人做啊!」

一個檔口,足以養活幾代人,在嘉咸市集經營菜檔的余小姐更是在嘉咸街長大,「我哋個檔有八十幾年歷史啦,我係第三代,睇住呢度變。」余小姐幾年前決心引入外國菜,「主要係啲客建議,咁我哋就喺荷蘭、澳洲入口啲菜,始終外國菜信心大啲!」

在嘉咸街屹立八十多年,余小姐的菜一直有一班星級餐廳支持,「我哋一路幫九記牛腩、蘭芳園、勝香園呢啲老牌食肆供應菜,由我老竇開始,呢啲就係一直留落來嘅感情。」

不過,重建令余小姐生意大跌五成,但她仍然樂觀,「市建局都有做吓宣傳,派吓現金券,幫唔少o架,加上有租金優惠,等重建完,又會有新客,到時應該就會好番!」 

市建局在嘉咸街與結志街交界興建的「嘉咸市集」上月啟用,惟周邊仍有不少工程。

 

新哥做了四十五年「豬肉佬」,直言與街坊感情「Very Good」。

 

余小姐一家人經營菜檔,感情要好,一做已經八十幾年。