為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 12 月 27 日

關慧玲

《東周刊》社長兼總編輯。

與人生息息相關的數字

出席「恒隆數學獎」,才發現香港學界原來有好多數學尖子,好似奪得金獎嘅何明華會督銀禧中學,學生梁辰楷的專題研究題目叫做On the Summation of Fractional Parts and its Application(在小數部分求和及其應用),就認真深奧。

數學獎以專題研究為模式的比賽,學生不用操練試題,更能享受數學研究的樂趣。評審之一,中大理學院副院長(教育)區國強便說金獎得主嘅數學水平達到博士級數,非常厲害。值得欣賞的是數學獎獎金唔止表揚學生,老師亦可獲得進修資助,以培養更多高質老師。

數學是本科之一,能訓練人的邏輯思維,更是一切科學的基本功,不過唔少人怕數學,覺得深奧難懂。恒隆搞咗個fb page,搵大學教授設計唔少有趣數學題,原來數字與人生息息相關。

舉例說,去超市入完貨排隊畀錢,究竟應該排有六個人每人有十件貨品的特快通道?還是排得一個人但買了六十件貨的普通通道?好多人諗都唔諗就選擇特快通道,但原來根據美國數學家Dan Meyer研究,收銀員每次同顧客打招呼、收錢同講bye bye平均會用四十一秒,而將每件物品掃bar code就只需三秒。
六個人排特快通道,每人買十樣嘢時:

(41秒 + 3秒x 10件貨)x6個人 = 7.1分鐘

一個人喺普通通道買六十樣嘢時:

(41秒 + 3秒x 60件貨)=3.7分鐘

所以,唔好見特快通道就撲上去呀。

另一條有趣數學題,是和女友爭論要用猜拳定輪贏,點樣Sure Win?

根據統計研究,贏嘅人會出番啱啱出過嘅手勢,因為人一般都有慣性,會繼續佢嘅勝利策略;輸家就會變,出一個未出過嘅手勢,而佢哋出嘅順序會係包→剪→揼→包→剪→揼……呢個「永久循環流」。

如果女朋友第一局出包,你出了揼,女朋友贏咗。你估佢會繼續出包,所以你第二局要出剪贏佢。去到第三局,女朋友唔會再出包,會順序出剪,所以你出揼就可以贏佢喇!

這個研究,係內地學者用了四年,搵三百六十位學生大戰三百回合後得出嘅攻略,後來仲獲選為麻省理工最佳科學研究。

不過,網民對呢條題目嘅反應就超出理性,好多人都回應話「對女友,有得贏o架咩?」