為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 12 月 21 日

劉佩玥呻單身之謎

劉佩玥(Moon)成日呻單身,之但係就經常同緋聞男友伍允龍打情罵俏;其實,東姑應唔應該信好呢?最近佢兩個仲同病相憐!Moon喺《TVB馬來西亞星光薈萃頒獎典禮》返香港之後,就氣管敏感;而伍允龍綵排《歡樂滿東華2016》嘅劈冰環節時,又搞到右手骨折。Moon笑住咁同東姑講:「佢(伍允龍)有同我講,證明大家綵排好盡力,佢受傷時我都喺公司。(你係咪第一時間知道?)唔准咁曳咁問我,我身為朋友好關心佢。」 講到咁鬼曖昧,大家明嘅!

日前,東姑喺旺角嘅商場就見到Moon,呢日佢着嗰條裙閃爆,做完宣傳活動離開嗰陣,一大班粉絲好似螞蟻嬲蜜糖咁追住佢,搞到佢好尷尬唔知行去邊度好,電梯後門位置仲逼到水洩不通。喺呢一刻,東姑終於明白,點解佢要話自己仲係單身,因為如果佢已經名花有主,呢班粉絲一定大大流失。

人氣急升嘅Moon,近期接job接唔停,粉絲人數更加與日俱增。

 

成日同緋聞男友伍允龍公開打情罵俏嘅Moon,竟然話自己好dry。