為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 12 月 13 日

關慧玲

《東周刊》社長兼總編輯。

世星船長話當年

陳自榮(榮哥)(見上圖)是已退役的世星號船長,在天星小輪工作了幾十年。世星號八九年啟航時,他就是船長,日日駕船往來中環、紅磡、灣仔,見證維港兩岸變遷。問起這些故事,感性的榮哥直言好感慨,對世星更是依依不捨,現在知道世星會做維港遊,坦言好想揸番轉。

榮哥話,早年尖東海旁好靚,但中環後來居上,佢睇住中環中心等建築物一幢幢拔地而起,維港視線也因而改變,佢話自己去外地機會不多,但都覺得維港係天下第一靚景。

榮哥是老實人,話最初入行做水手,係睇中佢可以返二十幾日工就放七日呢個安排,「太太在廣州住,從前往返內地交通無o依家咁方便,有邊一份工可以咁樣放假?」但他是真的熱愛航海,對揸船規矩遵守甚嚴,「以前由中環去紅磡,再去灣仔返中環,要在一小時內完成。」

海港繁忙,不時遇上突發事件,好考佢作為船長嘅急才,試過有一次有個年輕女子跳海,有乘客衝進去駕駛艙大叫,佢好冷靜,即刻OFF咗隻船同時叫水手救人,「救到,就叫埋白車喺岸上等佢,救番佢都好開心。」問佢咁嘅情況多不多,榮哥笑說,好彩咁多年都係遇過一次。

榮哥後來上岸做總船長,而世星亦隨後退役,後來世星號以千五萬元改裝,成為全港第一隻由柴油發動及電能推動的低排放環保渡輪,除了做維港遊,仲有機會衝出內港停泊迪士尼碼頭,成事的話,由尖沙咀去迪士尼不過四十五分鐘。

榮哥話天星小輪綠白色的船身十分搶眼,世星號成為旅遊項目應該會受歡迎。

好多有靚海景河景嘅國家都好着意發展觀光船吸引遊客,成為地標性遊點,好似法國塞納河就好成功,維港靚景世界知名,天星小輪由○三年開始搞維港遊,如今再加把勁。《國家地理雜誌》把乘搭天星小輪遊維港列為「人生必到五十個景點之一」,美國網站Global Post 更將天星小輪評做「宜居香港的三十一個理由」之一。