為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 12 月 16 日

愛心倩行 何倍倩

臨近聖誕,「恒生新抱」何倍倩聯同愛培自閉症基金,出錢出力為自閉症的小朋友搞聖誕繪畫派對,教一班小朋友畫畫,又將他們的作品,作慈善義賣籌款,她笑說:「我每年都會做啲幫到小朋友嘅義工,今次義賣畫,每幅大約幾千元,我預咗包底,所以全部畫一定會賣得晒。」

何倍倩既是三子之母,又要兼顧事業,今年她開始同時修讀兩個碩士學位,其中一個著名學府英國Saint Martin's的「Arts and Culture Enterprise」為期兩年的博士課程,令她靈機一觸,覺得可以用藝術幫助小朋友,「呢種叫藝術治療,有啲小朋友唔識得表達自己,自我封閉,畫畫可以畀佢哋解開心結同紓緩情緒,當日好多小朋友都係第一次art jam,其中一個過度活躍症嘅小朋友,可以兩個幾鐘好專注咁畫畫,同埋亦好有創意,連佢哋媽咪都好驚訝。」

何倍倩和秘書一手一腳安排場地、茶點和小禮物,當日聯同一起讀碩士課程的同學,每人親自教導兩位小朋友畫畫,由構圖、起草稿、到上色等,「當日有十七個家庭,一齊玩咗兩個幾鐘,我就做打雜,執頭執尾,教小朋友畫畫,又幫手用風筒吹乾啲畫,因為當日太忙,所以冇安排大仔做義工,怕照顧唔到佢,希望下次可以帶埋佢一齊參與。」

善心傳承,何倍倩真正稱得上人美心善。

小朋友所畫的畫作,色彩繽紛,充份表現出其內心世界。

 

當日的作品於本周一在中環Tods店內展出一天,而慈善義賣的收益,將全數捐贈愛培自閉症基金。

 

何倍倩準備小禮物送給小朋友,她又留守到最後,用風筒吹乾每一幅畫,再拍照作紀錄,準備之後的義賣活動。