為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 12 月 12 日

筠臨天下 邱詠筠

已故遠東集團創辦人邱德根的孫女邱詠筠(Winnie),是帝盛酒店集團的總裁,由於她公務繁忙,訪問定在晚上九時半,並在她主理的灣仔帝盛酒店進行。

精神奕奕的她這天準時現身,為爭取時間,一邊化妝一邊做訪問,「我做酒店經常飛,好少時間喺香港。」

邱詠筠日理萬機,亦是公職王。前年她被福布斯評為亞洲傑出女性企業家12強,今年又獲得「Women of Hope」環球成功人士獎項 、金紫荊女企業家非凡大獎、世界傑出華人青年大獎,年紀輕輕的她更於七月被委任為太平紳士。她雖然一副女強人本色,但她甚為抗拒「女強人」這個標籤,更字字鏗鏘的說:「我唔係女強人,但我有責任投入唔同嘅角色,與公司及同事一起成長,公司業務增長,同事才可以每年升職加人工,佢哋嘅生活才會愈嚟愈好。」

縱然公務、慈善事業兩忙,邱詠筠仍然樂在其中,這就是總裁的特質吧!

年紀輕輕的邱詠筠,統領帝盛酒店集團,她認為要發展酒店,最關鍵是用心聆聽顧客的需要,不斷改進,緊貼時代發展的步伐。

 

助人之樂

邱詠筠是香港演藝學院的籌款晚宴籌委會主席,今次更是她第三年出任此要職。為了這個於上周六舉行的盛事,她出心、出力、出時間。「我對於藝術同文化都好有興趣,我覺得對社會非常重要。香港有九大學院,只有演藝學院係推動同發展藝術同文化。我嘅理念係好重視教育、藝術同文化,學習藝術需要唔少資金,好多學生係來自普通家庭,甚至困難家庭,而演藝學院友誼社,係為呢班學生提供學習資金。我好高興成立呢廿七年來,為過千位學生提供七千萬元獎學金,希望為香港培養更多藝術人才。」

深信知識能改變命運的邱詠筠,更為爺爺邱德根以嫲嫲裘錦秋名義創辦的三間中學、香港專業教育學院及香港中文大學伍宜孫書院,提供獎學金,她還親自到學校,與學生分享人生和工作經驗、教授面試技巧等。她興奮地說:「學生畀我好多能量,好似後生咗廿年咁!我好幸運,上天畀我呢個機會,所以我會try my best!我都鼓勵同事落社區教學,幫一啲有需要嘅學生,尤其係教佢哋見工嘅技巧,好多時候佢哋冇讀過大學,見工得嗰幾分鐘就決定請唔請你,所以好重要。平時我只要有時間,都會去中大同埋裘錦秋中學教課,希望身體力行感染大家。」

當中令她印象最深刻的,是一名曾在裘錦秋中學就讀的巴基斯坦裔女學生Kianat。邱詠筠感恩說,「前年我喺報紙見到,佢攞到青協頒發嘅助學金,我特意去頒獎禮鼓勵佢,同搵老師了解佢屋企嘅情況。發現佢爹哋係建築工人,不幸離世,屋企失去家庭支柱,家人情緒崩潰,慶幸Kianat保持樂觀,繼續努力讀書,帶家人走出傷痛。

「我哋深受感動並為Kianat提供助學金,上年知道佢獲香港公開大學錄取修讀幼兒教育專業,我覺得好欣慰。見到佢一步步靠近理想,我都戥佢高興。」

邱詠筠連續三年擔任演藝學院友誼社籌款慈善晚會的主席,胞妹詠賢(右)和詠麒(左)也有現身支持。

爺爺精神

祖父是遠東集團創辦人邱德根,父親是遠東發展及帝盛酒店主席邱達昌,身為第三代的邱詠筠,一樣是叻人一族。她畢業於倫敦大學國王學院商業管理學學士,其後加入瑞信集團,○五年加入遠東發展出任物業發展部總監;一○年麗悅酒店(帝盛前身)分拆上市,她正式被委任總裁一職。目前集團旗下管理三十二間酒店,分別位於中國內地、香港、新加坡、馬來西亞及英國,現時為香港最大酒店的酒店集團,房間總數為全港最多。

「以前嘅麗都酒店改咗名為帝盛灣仔酒店,我哋酒店分三個品牌:主線係Dorsett(帝盛)、精品酒店系列d. Collection同value hotel Silka(麗絲)。我好年輕做咗上市公司主席,好多謝一班前輩一直提點我;我亦非常珍惜我嘅同事,尤其是中間嘅階層,明白自己嘅夥計,尊重公司嘅文化。

「我覺得做人最緊要有自己嘅value,酒店都一樣,所以我哋帝盛嘅管理理念有4個I,分別係Integrity(誠信)、Inspiration(啟發)、Innovation(創新)同Initiative(主動)。好似我哋o依家身處嘅帝盛灣仔酒店,每間房都有電話可以免費打畀八個國家,二十四小時check-in,即係話深夜入住唔使第二日12點就要check out, 可以住足一日,呢啲就係value!我哋要求員工喺二十四小時內回覆客人既comment,消費者心態不停咁變,我哋亦都應該配合去變。我嘅缺點係有太多passion and ideas,好彩我嘅團隊會不停咁提醒我。」

敢於創新,是源於爺爺的家訓「自強不息」,「爺爺教我哋要自強不息,以嫲嫲命名嗰三間中學,都掛上『自強不息』嘅牌匾,提醒我哋要不停進步。爺爺好勤力,啲孫放學會去office同佢食飯;爹哋亦一樣,o依家佢都不停咁去學唔同嘅嘢,佢都冇停,我又點會停呢?喺○三年沙士期間,酒店業無生意,酒店總經理建議裁員,但爹哋堅持不裁員,因為同事呢個時候最需要我哋一起共渡時艱。

邱德根的家庭觀念很重,每星期例必同子孫一齊食飯,邱詠筠(左二)和弟妹也疼錫爺爺,經常攬住爺爺錫。

 

一○年二妹邱詠賢(前左三)出嫁,邱詠筠(前左一)跟父(前右二)母(前左二)、三妹詠麒(前右一)及四弟華瑋(後左一),喜氣洋洋合照。