為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 12 月 10 日

邵音音貼地又環保

邵音音唔知幾時開始,成為咗整容失敗嘅標記,好多人估佢整過眼耳口鼻,其實咁多年嚟,佢只係整過一次下巴咋。音音姐坦承,當時貪靚想塊面睇落尖啲,於是叫醫生幫佢打針,後嚟佢驚有副作用,就想做移除手術,點知手術失敗;而喺廿年前,佢又因為喺屋企踢到拖板仆親,成塊面撞落枱角,甩咗半邊面皮,所以令到個樣變晒形!

不過,心善則美,音音姐向來熱衷公益事務;同時,佢又係香港演藝人協會嘅福利組副組長;此外,為咗公諸同好,佢又將收藏多年嘅清朝皇帝印譜捐贈畀內地嘅博物館,真係好難得!

日前,東姑喺地鐵撞到素顏嘅音音姐,佢明明大把錢唔使搭地鐵,但係為咗貼地同環保,佢就選擇坐公共交通工具。好多市民見到音音姐,都忍唔住要同佢玩下自拍;而佢亦都好大方,冇化妝一樣有求必應,抵讚!

音音姐雖然冇化妝,但一樣應市民要求影合照,好親民!

 

見到音音姐搭地鐵,車上嘅市民都好興奮,爭住影佢相。

 

年輕時嘅音音姐,樣靚身材正,真係嗒得杯落o架!