為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 12 月 09 日

伍允龍寂寞喫麵

早前就傳伍允龍同劉佩玥拍《城寨英雄》,日對夜對,對足三個月,戲假情真。喺戲中,佢哋係一對苦命鴛鴦,有情人最終唔能夠終成眷屬,所以班粉絲都好想見到,佢哋喺現實生活可以走埋一齊。而佢兩個每次出嚟做宣傳都打情罵俏,鬼咁冤氣。雖然佢哋堅稱只係好close嘅朋友,但係大家都當咗兩人係情侶啦!

不過,伍允龍似乎嫌緋聞唔夠豐富,佢早前竟然上載同內地女藝人胡然嘅親密合照到社交網站,而好多粉絲都留言話「襯」。鏡頭前咁多索女o氹o氹轉,唔知伍允龍係咪應接不暇,私底下想自己靜靜地,抑或全部緋聞都只係煲水呢?日前嘅一個晚上,東姑喺荔枝角就見到伍允龍孤伶伶一個人食麵。由於,當時已經十點幾,成間餐廳得佢一個,倍感冷清;而佢只係用咗十五分鐘食完就走人,身邊啲索女隱晒形。

伍允龍同劉佩玥喺《城寨英雄》中,演一對苦命鴛鴦,所以班粉絲都好想見到,喺現實中佢哋可以走埋一齊。

 

早排傳伍允龍同劉佩玥拍拖,最近又傳佢同內地女藝人胡然有路,感情生活好似多姿多采。

 

打得又睇得嘅伍允龍,理應大把女埋身, 點解要一個人孤伶伶喫麵呀?