為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 12 月 08 日

42歲懷胎5月 周汶錡分享陀B秘笈

邊個話有仔一定要趁嫩生?今年四十二歲的周汶錡(Kathy)就甘願做高齡產婦,繼去年七月誕下中法混血囝囝Jacques後,近日再度宣佈陀B五個多月。四年抱兩的她,直言陀B過程「好輕鬆,唔辛苦」,更樂意分享生B秘笈。

早前她還到中環置地廣場濕平,預先為BB買定聖誕禮物,三十分鐘狂掃四樣戰利品,滿載而歸。「我同老公知道有BB後,第一個反應都好開心,因為已經唔係後生,想快啲生多個,無論係仔定女都好,呢個都係畀老公最好嘅聖誕禮物!」

她直言想湊夠個「好」字,但就未有計劃生第三胎:「老公預咗我會生第三胎,但到時先算,生兩個已經好費時間。」

 

屋企有個金叵羅,當然錫到燶,周汶錡婚後特別注重家庭生活,經常同老公和兒子享受天倫之樂。

 

 

 

日日飲骨湯

腳踏五吋Roger Vivier高跟鞋的周汶錡,懷孕五個月依然身輕如燕。這天她先到卡地亞睇鑽飾,再到童裝及家品店掃貨,最後再到Fendi睇衫,全程健步如飛:「我陀呢胎同第一胎一樣,都係好輕鬆,一啲都唔辛苦,無嘔、無轉口味、無甩頭髮,心情亦無特別暴躁,日日出街食飯。陀第一胎時,最辛苦都係生前一個星期,覺得個肚好墜,想早啲休息,其他時間,基本上係好似平時咁,好幸運。我啲朋友都羨慕我,話如果佢哋陀B都好似我咁,生十個都願意。」

第一胎生囝囝,第二胎自然想生女,問到胎兒性別,周汶錡就大賣關子:「仔女機會一半一半,想保持神秘感,之前check第一胎時,都曾經睇錯以為係女仔,今胎胎狀差唔多,但之後會變都唔定!」

生仔或生女無所謂,但貴為名模,產後最驚身材走樣,周汶錡就做足準備,「我冇特別嘅懷孕餐單,但就會煲好多骨類嘅湯嚟飲,好似牛骨同豬骨,想幫BB吸收多啲鈣質,唔會食花膠同燉雞,驚太補,亦唔會食蟹,因為我阿媽話食咗蟹,生出嚟個BB會咬人喎,哈哈!」

至於產婦最怕的妊娠紋,她亦有妙計預防:「陀B時手腳都會特別乾,除咗會揀潤啲嘅lotion(乳液)搽之外,仲要準備一支body oil防止妊娠紋。我好勤力,一日要搽兩次,一次朝早起身搽,一次沖完涼之後搽,專搽肚同pat pat位置,好有效,咁就唔會有裂紋出現!」

鬼馬的Kathy拿起女裝童款笑言:「肚入面嗰個可以係囡囡嚟o架嘛,睇吓無妨,BB衫男女都o岩着!」莫非暗示肚中BB係女?

 

早前周汶錡於網上宣佈懷胎五個月,她笑言囝囝不知即將要做哥哥:「我同咗佢講我個肚入面有個Baby,佢話佢自己先係BB。」