為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2016 年 12 月 09 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

型格浩才子

我一向愛音樂、愛才,今次「Paco巨星飯堂」嘅嘉賓李榮浩,就集合我其中兩大「最愛」於一身。榮浩係近年內地罕見嘅音樂人才,亦都係曾經獲得台灣金曲獎「最佳新人」嘅肯定,所以佢一話嚟香港舉行巡迴演唱會,我一定大力支持!

請得榮浩擔任嘉賓,我就一盡地主之誼,帶佢去到位於西環嘅文青蒲點「Artisan Room」,有型有格地暢談音樂經同食經。

喺乾燥嘅天氣下,榮浩喺充滿西環特色嘅Artisan Room,滋陰地品嘗有機檸檬薑茶,細說佢明年二月喺紅館開Show嘅興奮心情。

 

紅館處男Show

唔少香港文青都對榮浩嘅名曲如〈模特〉、〈喜劇之王〉同〈不將就〉等耳熟能詳,今次佢喺明年2月25日首踏紅館舉行《有理想世界巡迴演唱會—香港站》,我深信會有大把知音人撲飛捧場。講到巡唱名稱,榮浩就話:「《有理想》是我第三張專輯的名稱以外,也是我對人生的看法,就是人要有理想,人生才會過得有意思嘛。」

哈哈哈!咁榮浩今次喺紅館處男開Show,就將唔少歌手嘅理想、夢想變成真。「我知道在紅館開演唱會,是很多歌手的夢想,所以我覺得很榮幸,可以在那裏舉行巡唱。現在我跟我的團隊也在想,怎麼樣可以讓香港的演唱會更有特色,也有不少香港的朋友給我意見,好像黃偉文(Wyman)就仗義相助,自動請纓擔任我的演唱會形象指導。要知道他對潮流的觸覺很強,有他幫助我就可以完全放心了。」

形象有大師Wyman坐鎮,榮浩梗係可以放心晒。講到選曲,佢就話要先賣關子,「我自己的歌曲當然會唱,要煩惱的就是唱些甚麼歌,才能讓香港的巡唱特別一點,所以現在還在構思中,廣東歌我也想唱,可是我的廣東話不好,咬字跟發音要練習很久吧。」

我欣賞榮浩嘅音樂造詣同才華,所以就帶佢去到位於西環嘅「Artisan Room」,歎住咖啡、品嘗輕食,暢談樂經、食經。

 

上周一(11月28日),榮浩(左四)專程來港宣布2017年2月25號喺紅開Show嘅好消息,令唔少樂迷大為雀躍。

 

手工啤酒($48起、後),會附上普通酒杯及手工啤酒專用酒杯,兩者均會放喺由工匠人手打造嘅銅製氣皿上,可品嘗兩種酒杯帶嚟嘅味道對比;配上24個月帕爾馬火腿配Kothon橄欖油及10年意大利醋(手工啤酒($48起、後),會附上普通酒杯及手工啤酒專用酒杯,兩者均會放喺由工匠人手打造嘅銅製氣皿上,可品嘗兩種酒杯帶嚟嘅味道對比;配上24個月帕爾馬火腿配Kothon橄欖油及10年意大利醋($105),確實係一大享受。05),確實係一大享受。

 

手沖單品咖啡(Single Origin Specialty Coffee、$65,後)屬每星期只供應一款嘅精品;配上餐廳自家種植嘅番茄田園沙律($55),相當健康。

 

Colour Toast($24)配上Cod Fish and Onion Dipping Sauce($30) ,吐司嘅顏色源自原材料:紅色係蕃茄、黃色係雞蛋、黑色係全麥、綠色係菠菜,配以鱈魚及洋蔥蘸調味汁,健康又味美。

多港星力撐

我見榮浩喺演唱會記招上,用廣東話呼籲樂迷撲飛,但佢就話:「我的廣東話真的不行,剛才臨場學了兩句,會好好學一下。」有記者問佢會唔會請女友楊丞琳幫手,佢就表示:「她的廣東話不錯,因為是廣東人。至於現在還沒有要請教她的時候,因我的樂隊有一半是香港人,他們可以教我。」

不過,榮浩仲有一班好友如古巨基、莫文蔚同陳奕迅排隊幫拖。「我希望盡量找一些香港的歌手做嘉賓,上一次在香港開演唱會,就找了古巨基幫忙;我也有為Eason跟Karen演唱會做嘉賓,他們也有問我這次怎麼樣,我想還是計劃好再想邀請甚麼嘉賓,保持一下神秘感。」

三十一歲嘅榮浩,除咗喺音樂上闖出一片天,�dd71家仲涉足影壇,投入拍攝由韓寒執導嘅電影《乘風破浪》,同彭于晏、鄧超等鬥戲。

 

今次榮浩嘅巡迴演唱會名為《有理想》,唔單止係佢嘅專輯名稱,亦代表咗佢嘅人生觀。

 

 

 

榮浩先後為莫文蔚(左圖)、陳奕迅(上圖)嘅演唱會擔任嘉賓,佢即將成為「主人家」,相信會有重量級嘉賓現身。

 

Grey Clover($98),係選用法國LØV有機伯爵茶加入朱古力,令呢個酸酒類雞尾酒,更令人難以抗拒。

 

Costadoro Martini(Costadoro Martini($108)係以餐廳獨家嘅意大利Costadoro咖啡製作,喺經典嘅特濃咖啡馬天尼中,加入椰奶及沖繩黑糖,質感幼滑。08)係以餐廳獨家嘅意大利Costadoro咖啡製作,喺經典嘅特濃咖啡馬天尼中,加入椰奶及沖繩黑糖,質感幼滑。

 

實力真.廚神

睇榮浩嘅外形,我都冇諗過佢會係廚藝高手,但係佢話:「哈!我小時後書讀得不好,中學也沒能畢業,所以就為父母煮菜,報答他們吧!一般來說,平常的小菜都難不到我。

「最近我跟同事們聚會,每個人要煮一個菜,我就煮了一個安徽菜,因為我是安徽人嘛!那個菜是羊肉白菜粉絲煲,秘訣在於煲裏的湯汁,全部都是來自白菜本身的水份,羊肉的羶味也得保留,才夠風味。那個湯汁很甜,我對煮這個菜也滿有信心的。」

身為北方人,榮浩對廚藝嘅追求,同音樂一樣冇地域界限。「我最近在學煮廣東菜,當中有一個菜我還在摸索中,就是白斬雞(白切雞),要拿捏煮雞的時間,我有問過一些師傅,然後自己再實驗,但現在我還覺得有改進的地方,看來還是要繼續努力吧!」

上得《12道鋒味》同霆鋒(右)較量廚藝,榮浩(左)嘅實力都不容小覷。

 

有一個入得廚房、上得舞台嘅男友,楊丞琳應該令唔少女士葡萄不已。

 

格魯吉亞Sulguni芝士($54)有原味及煙薰兩種口味,味道帶微鹹,佢嘅特色係彈性紋理,狀似魷魚絲,係極富心思嘅佐酒小食。

 

鮮奶特濃咖啡(Macchiato Latte、$42)以意大利濃縮咖啡配搭杏仁牛奶、燕麥牛奶或豆奶等多款不同口味的奶類,讓客人自行調配獨特味道。

 

現時香港唯一可以品嚐意大利百年歷史咖啡品牌Costadoro Coffee嘅餐廳,配上全球只有兩部嘅「氣冷式冷卻法」咖啡機「Gothicism」,將烘焙完成嘅咖啡豆進行冷卻,保留咖啡最佳嘅原味。

 

Artisan Room
地址:西環石塘咀南里8-12號地下
電話:2656 3198