陳柏宇40蚊餵飽未婚妻

陳柏宇（Jason）明年7月將與拍拖5年的C cup模特兒女友符曉薇（Leanne）拉埋天窗，日前就被傳媒拍得他拖住女友出街搵食，唔使40蚊的三餸車仔麵就餵飽自己女神，認真慳家。

Jason帶女友踩落銅鑼灣食車仔麵做晚餐。期間Jason掛住睇手機，淡妝粗眉女友就拎副眼鏡在男友面前揚來揚去，成功吸引注意後，才收起眼鏡，有講有笑。為個唱整了一頭灰白色頭髮的柏宇就戴帽遮頭，低調現身鬧市。束起長髮、好滋味食嘢的Leanne，啜雞翼尖、食豬扒等，食得滿足。三人汽水送麵，食足半小時就由男方埋單。Leanne放番長髮，披上黑褸型女跟實未婚夫步出，無時無刻都願意做Jason背後的溫柔女人。

 

 

Jason掛住睇手機，冷待女友。

 

陳柏宇同符曉薇拍拖5年，二人恩愛非常，不時上載靚相晒愛。