囡囡變身大笑姑婆　梁詠琪疑再有喜：未去廁所啫

數到圈中最受歡迎的混血B，相信都係梁詠琪（GiGi）的1歲幾大眼囡囡Sofia，同埋周汶錡的1歲囝囝Jacques。

今次就輪到萌爆Sofia成功吸睛，GiGi在社交平台上載Sofia擘大個口，笑到見牙唔見眼的短片，頭仔仲擺吓擺吓，睇見都覺超級治癒！GiGi仲搞笑地指囡囡係「2016大笑姑婆正傳」，網民都讚Sofia又靚又可愛。

而昨日(12月2日)GiGi出席活動時着上鬆身裙登場，被指有「肚凸凸」的感覺。問GiGi係咪再有喜訊？佢就解釋：「係未去洗手間啫。」佢之後又話：「我之後要到台灣及內地拍戲4個月，下年年中要繼續巡迴演唱，要專心工作先。」咁多工作，睇嚟GiGi都真係冇時間休息佗B。

GiGi經常晒囡囡的得意照片上網。

今次囡囡就變身做大笑姑婆。

GiGi着鬆身裙，畀人問到係咪再有喜，GiGi就即時否認，話係未去廁所咋。