郭富城人夫預演

五十一歲的天王郭富城多年來慣性將戀情收收埋埋，不過自去年結識廿八歲的上海女友方媛（Moka）後，一改作風，將戀情變得高調，除在微博放閃，更罕有地說自己想成家立室又大讚女友乖女善解人意，近日更有傳他在上海已買婚戒向對方求婚，疑似好事近！

日前下午，城城揸住駕黑色林寶堅尼「媾女戰車」，載住女友方媛匆忙抵達養和醫院，素顏的方媛束起頭髮腳步浮浮，行入醫院時全程挨着城城，而城城則拖實她充當護花使者。當問城城女友是否有喜時，城城立即否認：「梗係唔係啦！唔舒服先嚟睇醫生!」接近傍晚七點，城城扶住女友離開，上車前仍不忘摸住自己個肚，再三解釋女友只是「食錯嘢」。睇嚟城媽今次又要失望，有排等抱孫。

方媛病到腳步浮浮，全程挨住城城入醫院。

城城攬住女友纖腰到護士室，顯得十分緊張。

護送女友上車時，一邊叫大家：「唔好影啦！」

被問早前買婚戒一事，他以Thank you作回應。

城城今次載女友去醫院，未有出動價值七百八十萬的「新歡」林寶堅尼Aventador LP700-4 Roadster。

原本揸架黑色林寶堅尼到醫院，但離開時卻改坐白色七人車。