為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 12 月 04 日

麥明詩撐林作媽媽

林作之前畀人發現同索女夜蒲,麥明詩於是以牙還牙,同「鴨王」何浩文拍劇時,喺片場卿卿我我,非常煙韌。早排,林作出席活動時,就發晦氣話,同麥明詩從來冇公開承認係男女朋友關係,畀人感覺佢好漠視呢段關係囉;至於,麥明詩聽到林作嘅回應後,就好冷靜表示:「都冇唔開心,但都係唔好睇咁多呢啲新聞,費事影響心情,亦都理唔到咁多。」最後,麥明詩再加多句話兩人「只係朋友」。

雖然把口話朋友,但係中秋就食團圓飯,之後又畀人影到佢揸埋林作架車添!最近,林作去咗英國上法律課程,要成個月之後先返,東姑就發現麥明詩竟然暫代照顧林媽媽。日前,林媽媽出席《金紫荊女企業家頒獎典禮》,麥明詩就陪伴左右,當正對方係「未來奶奶」咁服侍,佢同林作係乜關係唔使問阿貴啦!

頒獎禮當晚,林媽媽去到邊,麥明詩就跟到邊,貼身服侍。

 

麥明詩(右二)陪住「未來奶奶」(左二)出席活動咁乖女,難怪之前傳林媽媽買定六千萬豪宅,希望快啲娶佢過門嘞。

 

林作去咗英國上法律課程,麥明詩代佢照顧阿媽,關係唔使畫公仔畫出腸啦!