為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 11 月 14 日

沈穎婷拖仔遊老蘭

雖然有個明星阿媽李影做後台,但〇四年落選港姐沈穎婷(Winnie),似乎冇乜受惠。東姑記得〇九年,Winnie都曾經受寵過,當年佢簽約英皇娛樂,一度成為焦點;可惜,做唔夠年半,佢就以轉工為由主動提出解約,之後轉行做咗空姐,明顯想脫離娛圈。

不過,Winnie始終心繫娛圈,其後又翻兜做全職model,又簽約港視拍劇;可惜,港視最終攞唔到牌,旗下藝人各散東西。早前,佢就被發現夜晚喺酒吧兼職做香煙銷售員,為咗時薪八百蚊,即使喺龍蛇混雜嘅地方工作,佢都話冇有怕,仲透露:「做咗三年嘞!咁人哋消費我賺錢,我覺得幾化算吖!」而為咗名氣,Winnie更加搏到盡,喺今個月將會同陳嘉莉等,一班索女一齊參加慈善拳賽。

雖然賽事如箭在弦,但係吊頸都要唞吓氣。日前,東姑就喺蘭桂坊見到Winnie,佢拖住男友去夜蒲輕鬆一吓!現場所見,戀愛大過天嘅佢,一時拖住,一時又熱情大力咁繑住男友,慌死會走失咁款。之但係,當佢一見到東姑影相,就即將變面,莫非驚公司知道佢夜蒲會詐型?

當晚,沈穎婷同男友好鬼恩愛,又繑又拖,驚死會走失咗咁款。

 

見到東姑影相,沈穎婷忽然面色一沉,可能佢怕畀公司知道佢夜蒲,會影響上台打拳嘅狀態啩?

 

沈穎婷男友好鬼high,喺蘭桂坊一面行一面叫囂,而沈穎婷就只係默默繑住男友。

 

沈穎婷(左一)即將同陳嘉莉(左二)等參加拳賽。

 

〇四年落選港姐沈穎婷,因為有副好身材, 所以當年都係大熱港姐,可惜大熱倒灶。