為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 11 月 05 日

行善的風采 黃采笛

搞生意,誰不想賺大錢?但黃采笛(Charlotte)卻相當離地,以宣揚善心為本,大搞食物環保工作,認真別樹一格。

爺爺是已故「陽明山莊之父」、僑福建設創辦人黃週旋,父親是僑福企業執行董事黃德華,家大業大,但她從未打算接手家族生意,反而繼承母親林碧瑢的善心,○九年接管母親創立的Foodlink Foundation(膳心連基金),教人要珍惜食物。

「我哋好幸運,生長喺一個物質嘅社會,食物幾乎要乜有乜,變相造成咗好多浪費,我見到都覺得可惜,我覺得有義務為社會出一分力,唔係想賺咩錢,只係希望有一日唔需要再回收食物。」施比受更有福,並非老生常談。

談到爺爺黃週旋○四年因心臟病發離世,黃采笛對他有讚無彈:「爺爺好有遠見,教我哋一定要堅持自己嘅信念,做嘢要好勤力,要互相幫助別人。」

 

敵不過時勢

黃采笛一向深居簡出,幾乎不太出席公開活動,十多歲已到美國讀書的她,○九年才回流香港定居。「我喺夏威夷出世,細個無人同我講中文原來咁重要,我亦唔係一個好嘅學生,搞到我到o依家都唔識睇同講中文,但近呢幾年,我已經叻咗好多!」

講着半鹹淡中文的她,家中有四兄弟姊妹,家族於台灣及香港經營建築及地產生意,身家超過百億,但比起繼承父業,她更偏向靠自己打江山。「雖然爸爸都有叫過我返屋企幫手,但好好彩,我有得選擇,可以實現自己嘅夢想。」

於美國波士頓大學修讀酒店管理系畢業的她,曾於法國公司擔任市場推廣及公關工作,其後更與好友合資過百萬,於中環擺花街樓上舖開設首飾店,一嘗老闆癮。「我細個嘅夢想,係開一間雪糕店,一嚟因為我鍾意食雪糕,想帶啲歡樂畀人;二嚟覺得可以一邊做自己鍾意做嘅嘢,又可以賺錢,何樂而不為?但大個之後鍾意咗扮靚,反而開咗間首飾店,但一樣實現咗開店嘅願望。」

一二年,黃采笛以賣時裝配件及家居用品打算殺出重圍,可惜敵不過時勢,最後隱退收場。「喺香港做零售真係好難,要顧及好多嘢,唔係單單企喺度sell嘢咁簡單。我做咗三年,發覺個市同營業時間都好差,去年四月就決定走喇。離開兩個月之後,我就結咗婚,開始讀一啲健康課程,之前都有讀過紅酒嘅course,發現自己對飲食行業好有興趣,於是我就去紐約,讀咗一年食物與健康課程,o依家專注搞Foodlink。」

黃采笛接管Foodlink後,獲母親林碧瑢大力支持,更獲郭炳湘慈善機構捐助,規模愈搞愈大。

 

黃采笛會定期搞慈善活動:「我哋會定期去學校同學生演講,又會開cooking course,教佢哋點用唔要嘅原料去整食物。