為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 11 月 03 日

半百歲恨做爸爸 錢國偉孖老婆趕造人

53歲的錢國偉(Wilson)去年迎娶年輕20年的女友陳宛蔚(Calinda)後即北上拍戲,緊接再跟「古惑仔」四處登台,蜜月之旅一拖再拖,直至早前才抽時間飛峇里享受短暫蜜月假期。Calinda自爆兩夫妻都喜歡小朋友,加上上周兩人夜遊誠品時,錢導專揀小孩讀物,看來已經做好準備當父母。

錢國偉曾說過最愛Calinda「等得」,因為她在自己人生低潮時不離不棄,所以去年決定封盤娶妻,從此跟緋聞劃清界線。他婚後專注工作,電影一部接一部,加上為「古惑仔演唱會」馬不停蹄走埠,蜜月假期只能一再延期,但Calinda毫不介意,並表示「其實兩個人一齊最緊要開心,Wilson一直好忙,好多電影project要跟,因電影前期工作需要花好多時間籌備,成日要開會,男人要以事業為重,我做女人的當然要全力支持。」

錢國偉去年迎娶細自己20年的Calinda後,工作無停,難怪人人讚Calinda旺夫。

 

說到這趟蜜月旅程,Calinda坦言行程豐富。「我鍾意睇爛石古蹟,所以特登有去海神廟睇岩礁,又走上懸崖邊睇日落,見到海天一色真係好寫意,後尾仲去咗烏布藝術村食Dirty Duck,峇里島上消費好抵,一定要去Beach Club玩。」被問到有否趁機造人?蜜月表示:「哈哈哈,大家唔好畀壓力我啦,其實我哋都好鍾意小朋友,但成日提住會好大壓力,Wilson今年仲係好忙,有幾部戲籌備緊,我亦睇緊中醫調理身體,講真,生仔生女一切隨緣,好多人話生就容易教就難,我都有少少擔心第日唔識教。」

錢國偉曾說過最愛Calinda「等得」,因為她在自己人生低潮時不離不棄,所以去年決定封盤娶妻,從此跟緋聞劃清界線。

錢國偉婚後一直在忙,早前終於抽到時間陪嬌妻蜜月遊峇里,開展造人大計。

 

錢國偉成功憑星爺部《美人魚》在內地響朵,手上劇本堆積如山,事業起飛。

 

近日終於有時間留港陪嬌妻的錢國偉,是日夜遊銅鑼灣,全程十指扣老婆。

 

錢國偉坦言老婆等得,但陪老婆去書店的他就頻頻打呵欠,似乎他不太等得。