為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 11 月 08 日

方中信埋男人堆

方中信近年努力北上搵錢,梗係面對唔少誘惑;不過,同佢一齊咗廿幾年嘅莫可欣,最清楚佢嘅性格,所以從來唔會主動過問,以及check實佢嘅行蹤。

老婆投以信任一票,方中信都好識做,東姑聽聞佢出外食飯,除咗會自己報告行蹤以外,飯局亦只會揀全男班,一來唔使請啲女仔食飯,二來又唔會惹緋聞。

早排,東姑就巧遇佢同班賽車好兄弟喺酒樓食飯,當晚真係人才鼎盛。食到尾聲,雖然大家都捧住個肚叫飽,但係仲有成枱嘅餸菜,於是有人提議猜枚,輸嘅就要食埋啲嘢唔好浪費,結果方中信就冇輸到,順利過關,唔使脹住個肚返歸見老婆。

開始猜枚前,一班人先影番張大合照,方中信已經好得戚咁單眼影相, 證明佢信心十足。

 

見到周麗淇嘅前緋聞男友Eric,猜輸咗枚,要狂隊西瓜,企喺旁邊嘅方中信,睇好戲之外,亦落力為佢打氣。