為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 導火身痕線 2016 年 11 月 02 日

梓梅

游走傳媒多年,看盡娛圈古靈精怪,千奇百態。追訪身痕故事,歷盡百般滋味,苦辣酸甜油膩。藝人奇聞,盡付笑談。

煒哥的味道

煒哥的味道,好味,不只在她煮出來的東西色香味,還有她年過四十,散發的女人味。

陳煒走入了廚房,拍飲食節目,在台灣不同地方穿梭,就地取材,找當地盛產食材,即席表演巧手廚藝,煮番一、兩味。飲食節目來說,國內及國外節目都相繼做過,新意不算太大,但不是做每一件事都適合加新意,像立會宣誓加入新意就大鑊。

相對睇慣的肥媽,去街市你我都應該買唔到咁平價錢,只有她買到嘅餸菜,走入錄影廠煮平D。陳煒走出外景煮餸有一手,無疑較具新鮮感。何況今時今日,懂得揸鑊鏟而不是只識把玩手機的女士買少見少,識得煮餸而煮得好味的女人,特別靚女藝人,是值得嘉許,以前有位叫蘇玉華。大膽假設,如果黃淑儀當年早些俾人知道識煮餸,可能紅過汪明荃。

懂得煮餸,可能曾經歷人生百味,嚐過甜酸苦辣,像陳煒,當選亞姐冠軍入行至今,將近廿年。她出生於北京,一歲半隨父母來港定居,讀大學二年級時中途輟學參加亞姐選美。還記得當年她參加亞視的提名人是位形象指導,這位形象指導經常幫雜誌報章相約訪問的藝人借衫化妝,因利成便,便會帶埋陳煒在身邊,讓她早點了解傳媒行業又好,識多些報界朋友都好,陳煒每次都只會默默地坐在影樓一角,等候她的提名人形象指導完成工作,或在攝影師換景轉燈大家可以歇息的時候,走過來跟記者打招呼介紹自己,「我叫Alice,多多指教!」

知情識趣而又不慍不火,大概是煒哥的性格,令她大熱勝出亞姐,亦令她跟後的星途順遂,起碼在亞視時是一帆風順,但後來發展,始終要面對事業樽頸位,投靠王晶,大賣性感做晶女郎,亦因為煒哥剝衫吸引大家入場睇佢多過張家輝主演嘅《提防老千》,可惜,男人睇完都會噓,點解佢剝得咁唔徹底。
我亦相信,沒有晶女郎的洗禮,煒哥不可以做到她做開正派以外的壞女人角色,甚至演江湖大佬背後女人咁稱職,像《梟雄》的桂生姐或《火線下的江湖大佬》鄭則士老婆。幻想這類角色的女人走入廚房,煲的湯、煮的菜,應該特別好味,煒哥的台灣老公應該特別有口福。

陳煒的人生嚐過各種味道,自能煮出真正滋味。