為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 10 月 28 日

風水豪居 林黃寧艷

古有「一命、二運、三風水」之說,由此可見,中國人對風水的重視。

愛沙尼亞共和國駐港名譽領事林建康和太太林黃寧艷,也屬傳統中國人,他們分別於○三年及○五年,購入位於飛鵝山的兩座獨立洋房,並將之改建成現時面積近萬呎的安樂窩,也跟風水有關。

「飛鵝山向來係香港嘅風水之地,其實我哋喺○九年,都喺九龍塘金巴倫道買咗間獨立屋,本想趁小朋友細個搬過去住,方便日後返學。後來經風水師研究後,話我哋九龍塘間屋嘅風水布局只得六成好,而呢度就有九成幾咁好,所以我哋就決定繼續住喺度,一住就住咗十年。」

十年下來,林太稱一家事事順遂,信不信由你。

林太位於飛鵝山的萬呎豪宅,設有兩個客廳,她身處的是用來招呼賓客,設計較傳統豪華。

 

連贏六場

來到林太位於飛鵝山的獨立屋,全屋的設計既有傳統豪宅的概念,但亦不失現代感,而且空間感亦十足。「呢間屋面積大約有一萬平方呎左右,係由兩間獨立屋打通而成,因為有咗小朋友,所以想畀多啲空間佢哋。呢間真係一間風水屋,我哋住到o依家,無論工作、健康,仲有小朋友升學,一切都好順利。

「講到最Lucky嘅事,就係我哋嘅自購馬『勇敢小子』,一季連贏六次未輸過!從來都未有一隻馬做過;仲有我哋嘅律師樓,近日同全球100大嘅美國NIXON律師行合併,咁多事都OK,所以我們都無搬的打算。」

十分好客的林太,帶我參觀全屋,並解說每件傢具的由來。「全屋嘅設計都由林生同設計師計劃,因為林生同我都鍾意classic style,不過我哋又唔想全屋都咁傳統,所以就襯番啲設計modern啲嘅傢俬。」

林太指全屋的傢俬均來自英國和意大利,「因為我哋都好鍾意睇傢俬,所以每次去旅行,都必定會到傢俬店逛逛,見到合心意嘅就會買返嚟,擺喺世界各地唔同嘅物業入面。」

細心看,林太的家中亦有不少風水布局,最令人印象深刻的,莫過於建於花園內的錦鯉池。「其實打理呢個錦鯉池都幾麻煩,因為養呢個池嘅魚每星期要用100公斤鹽,所以每星期都要請魚醫生嚟,量度鹽嘅份量和溫度,因為如果鹽份唔夠即氧氣唔夠,佢哋就會喺池入面跳嚟跳去,之前就試過有一條魚跳咗出嚟走咗,所以真係要好小心。」

佔地數百呎的後花園,除了種滿不同款式的植物外,最吸引人的地方就是這個養了數十條錦鯉,每條約有一呎長的魚池。

 

篤信風水的林太,在家中擺放了富貴竹和聚寶盆等增強財運的小擺設。