為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 10 月 31 日

八両金一提阿媽即爆喊

近年,八両金(葉競生)帶埋個仔八両仔(葉小霆)北上登台搵真銀,據知兩父子搵到腰纏萬貫。日前,八両金返港搵東姑茶敍,仲透露o依家忙緊開發頭髮護理用品嘅生意;另外,佢更表示將會投資數百萬開拍電影,自編、自導、自演做男一,而八両仔就擔當男二,「我又唔係要個仔做明星,只係我知佢好鍾意唱歌,所以想畀啲機會佢做自己想做嘅嘢。」

其實,經歷過唔少風風雨雨後,八両金早已看破紅塵,並誠心向佛。佢坦言o依家別無所求,同家人生活快樂就可以;至於單身多年,有冇意思搵個伴?佢就語重心長咁話:「雖然我個仔成日都叫我搵個伴,生個妹妹陪佢,但我真係唔想害人。我年紀唔細,六十一歲再娶老婆,同佢生唔到仔,又累咗人一世;生到仔,又驚自己年紀大早死,照顧唔到老婆仔女,所以我一早打消再婚念頭,一心一意同個仔過埋下半世。」

話題一轉,當八両金講起八十幾歲嘅媽媽時,佢竟然激動到爆喊:「我咁多年都唔會同自己慶祝生日,因為我出世嘅時候,就係我媽媽嘅受難日。我覺得自己真係好幸福,因為我到咗六十一歲,都有一個好媽媽陪伴我,令到我仍然有做小朋友嘅感覺,我真係好感恩!」八両金鐵漢柔情,東姑見到都好感動!

八両金被問到點解堅持唔慶祝生日?佢即喊爆話佢出世之時,就係阿媽嘅受難日,因為女人生仔係十級痛,所以冇乜好慶祝喎。

 

八両金好感恩阿媽依然健在,令佢喺六十一歲都可以有小孩子被愛嘅感覺。

 

八両仔長頭髮、皮膚又白滑,東姑笑佢娘娘腔,佢即時剝去外衣晒老鼠仔,並強調:「我係百分之一百真男人,大家唔好誤會。」

 

八両仔童年時同老竇髮型一樣,但現時佢就話基於自己面型唔襯冬菇頭,所以留長頭髮,以型look示人。

 

八両金兩父子早前到北京師範大學演講,吸引到幾百個師生捧場,全場座無虛席,佢哋更送出價值幾萬嘅字畫畀學校添。