為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 10 月 25 日

關慧玲

《東周刊》社長兼總編輯。

何文田終於有港鐵

等到頸都長,施工五年的觀塘延線終於通車,好多市民一早去何文田和黃埔兩個新站趁墟兼「打咭」,十分興奮,站內站外人頭湧湧,有鐵迷仲通宵喺黃埔站等,誓要搭到首班車,聽講全日有至少十一萬人搭過,搞到個站有少少擠塞,不過都係Happy Problem。

這是自一四年後再有新鐵路線通車,說係引頸以待,因為喺何文田同黃埔住嘅居民,都知道一直沒有港鐵連貫在生活上構成的不便。筆者少年時代日日在何文田區出入,那時何文田偏處一隅,除了巴士,就只能走路出旺角搭港鐵,閒閒地行半小時。

雖然有居民話何文田站距愛民邨等民居遠咗啲,不過港鐵主席馬時亨都解釋咗,話係因為地勢和要遷就沙中線走向,才會咁樣選擇。有何文田友就話,以後打風落雨可以搭港鐵,唔駛企巴士站變落湯雞,反正多一種交通工具選擇,點都係好事。

最近去黃埔詠園楊太那裏食飯,佢亦狂呻話過去幾年港鐵動工,區內日日狂塞車,啲客塞到怕,寧願唔入去,有些的士司機聽到入黃埔都話怕怕,因為往往有客入無客出,加埋塞車時間費時失事,她粗略計算食肆每年利潤少咗一半,都幾傷,不過她相信通車後會旺番,所以佢亦搞搞新意思,喺午休時段推出下午茶,所賺利潤撥歸員工,當係畀佢哋創業。

講番馬主席(見圖),佢用行動支持,去何文田站視察兼親身由車站步行近十五分鐘前往小時候曾居住的愛民邨。他一路行一路講,話呢段路可能或較合適「身壯力健」的市民,不過整段路都有上蓋,天氣惡劣時會有優勢。可惜今日社會批判成風,一粒沙子也容不下,第一班列車急停幾秒也可大做文章,港鐵系統安全系數向來有保證,市民不必太擔心。