為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 10 月 29 日

車厘龜大戰比卡超 龐景峰 楊埕

又到萬聖節,梗係要落足心思扮鬼扮馬去狂歡!近年赴韓國樂壇發展K-Pop演藝事業的郭秀雲兒子龐景峰﹙Andrew﹚,與兩年前參選過港姐、有「清純栢芝」稱號的女友楊埕﹙Sabrina﹚分手又復合,今年兩人感情更進一步,兼中晒「精靈」毒,一有時間就拍拖周圍去「收精靈」,連萬聖節都話要扮精靈出去嚇鬼。

車厘龜和比卡超在擂台上,各自擸架生,邊個會完勝先?

 

逐家拍門攞糖

Andrew最愛寵物小精靈中的水箭龜﹙即車厘龜的進化版﹚,「我同媽咪﹙郭秀雲﹚都好鍾意寵物小精靈,我六歲時,媽咪廿六歲,佢成日同我一齊癲,去日本周圍搵精靈閃卡。水箭龜好勁o架,不過太難扮,扮車厘龜易啲。」身旁的Sabrina則扮可愛的比卡超,她興奮地說:「我最鍾意比卡超,好得意。」Andrew冷冷一句:「比卡超淨係得女仔鍾意,成班精靈打架,隻比卡超通常企喺後面,冇鬼用。」

喜歡cosplay的Andrew,年年萬聖節都會「出動」,兒時愛扮可愛的卡通角色,他興奮地說:「細個喺香港過萬聖節玩好熱鬧,我哋住喺半山,好多鬼佬,嗰時媽咪未同後父﹙龐傑﹚一齊住,我同媽咪會去佢屋企集合,媽咪出門前,會擺低一袋糖喺門口,寫住每人只拎一粒好喇!最後當然冇晒啦!後父就唔鍾意扮鬼扮馬,但會陪我哋一齊玩。我哋廿幾個細路仔由夜晚六點起,逐家逐戶拍門,拎到一大袋糖就收隊。」

二人七情上面,車厘龜囂張地說:「算把啦比卡超……我唔想整傷你。」但唔夠兩個回合,卻被比卡超KO。

 

楊埕表示每年萬聖節都會扮鬼扮馬,今年食住精靈熱潮,扮比卡超。