為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 10 月 28 日

幸福味自曼 黃婉曼

曾於日本藍帶廚藝學校學整法國麵包的黃婉曼(Icy),早前創立麵包品牌「RISE」,並與築地.山貴水產市場合作開店,主打賣龍蝦包及墨汁海膽包,將整麵包的手藝學以致用,進軍飲食界。

「我由報天氣到做主持,再到開餐廳賣麵包,一直都唔想局限自己,想做自己鍾意嘅嘢。你哋可能覺得一個麵包,幾蚊雞,價值好低,但對我嚟講,一個麵包需要花好多時間去調製同研究,由搓麵粉、發酵同裝飾都要好用心,個包唔止係食物咁簡單,仲係一件藝術品,食落仲會令人有一種幸福的感覺。」

黃婉曼講起做生意,就雄心萬丈:「我哋主要賣法國包,我會同法國師傅合力研製,海鮮原料就由築地提供,遲啲我哋仲會有個online shop。」

 

全隻龍蝦包及墨汁海膽包分別賣$168及$68,相當搶手。

 

 

 

日企七個鐘

首次開店,黃婉曼特別緊張,日日巡視舖頭之餘,仲做埋生招牌,親自招呼客人:「自從我結咗婚之後,好多人都話我唔使做,但其實我仲後生,好想繼續實現自己嘅夢想,我會努力證明,我唔係坐喺屋企嗰啲少奶奶。好似今日咁,清晨六點先瞓覺,(早上)九點又嚟咗呢度開工喇!」

由幕前撈過界轉戰飲食業,她表示皆因「鍾意」兩個字。去年於日本東京藍帶廚藝學校修讀麵包課程的她,早已萌起開店的念頭:「我好鍾意食麵包,幾乎係我每日嘅食糧之一,每次同家人坐低食住新鮮熱辣嘅麵包,都會覺得特別warm,有種幸福嘅感覺,所以一直好想去學整麵包,但搵咗好耐,發現香港冇一間呢門專業嘅烹飪學院,想學,就要花十幾廿萬去外國報讀課程。當時我就諗,不如我去學,之後將啲技術帶返嚟香港,開間麵包店,遲啲再開間kitchen(廚房)教人整麵包。」

去年她到日本留學三個月,日日在麵包工場學習和鑽研,「好似返學咁,一星期返足五日,每日由早上十點到下午五點,得半個鐘時間食飯,日日仲要keep住企喺度,所以頭一星期已經搞到腰痠背痛。而且日本人對廚房嘅整潔衞生好嚴謹,張枱一定要一塵不染,整完晒要自己洗番乾淨個,冇人會幫你執手尾o架!」

沒有明星架子的她,親自落力sell客之餘,粉絲要求合照亦來者不拒,好親民。

 

她相當注重整麵包的工序,每日都會親自監督製作過程。