為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 10 月 22 日

結婚七個月 肚凸凸楊怡孕味濃

今月初在港補擺婚宴的楊怡和羅仲謙,早於三月廿二日假英國古堡行禮完婚,回港後即搬到大埔愛巢過新婚生活。

三十有七的楊怡年紀唔細,目標兩年抱三,繼睇中醫調理,又四出尋生仔良方及到廟宇拜神祈福外,更揚言早跟老公不設防密密造人。經個七個月的努力,似乎有好消息,日前肚凸凸的她,由老公陪同外出撐枱腳,席間胃口大增,由頭食到尾,孕味十足。老公全程照顧周到,更以慢速駕駛,安全至上。

今月二日,楊怡與羅仲謙在香港豪花百萬補擺喜酒,席間已大講造人話題。

 

胃口大增

本月二日楊怡和羅仲謙補擺喜宴,頸上戴住五両重金豬牌的楊怡,全程流露恨生B,不停說︰「生啦!生啦!」又當眾摸大肚婆謝安琪個肚沾喜氣。老公羅仲謙也配合表示︰「都想兩年抱三,會盡力嘅。我最想要兩個小朋友,第一胎係囡囡,第二胎係囝囝最開心。」

滿腹生B大計的二人,早有計劃,加上楊怡年紀唔細,生仔有限期,所以自英國完婚後已開始密密造人,他們亦大方承認不設防︰「係,開始咗。」當日回港大晒廿二吋腰的楊怡,事隔七個月已纖腰不再。日前中午,素顏的她由老公駕車到大尾篤食西餐,雖然得兩個人,卻叫到成枱餸,席間楊怡食量驚人,由主菜到甜品,食足五、六道菜,津津有味,相反羅仲謙很快便停手,不時叮囑老婆慢慢進食,似陪食居多。食足成粒鐘,楊怡臨尾還要嗌多碟曲奇才滿足離開。

自三月英國行禮後努力造人,日前楊怡肚凸凸出巡,身形暴脹,加上身穿白色平底波鞋,步伐緩慢。

 

新婚後的二人,外出時小心翼翼,不時四圍望有否記者在場,警覺性甚高。

 

早前廿二寸腰的楊怡,當日側望其腰肢與臀部變得圓潤,腹部更微隆。