為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 10 月 19 日

丁子高卜房玩嘢

其實有好多人都覺得,一班富二代聚埋一齊,花天酒地就唔少得,但現實生活又並非如此。早排,東姑就發現丁子高撇低咗老婆楊千嬅,同城中一班富二代去飯局。當晚,丁子高講明係「men's talk」,所以一律唔准攜眷出席。

座上客有好幾個都係成日見報嘅「名男」,包括:何超蓮前男友王大業、東源大地物流公司老闆王嘉恩,仲有趙世曾個仔趙式浩,同埋周啟邦個仔周國豐等,丁子高為咗可以玩得癲啲,於是卜(book)咗間房添!

神神秘秘玩成晚,大家估下佢哋玩乜? 原來係玩《獎門人》嗰啲估嘢遊戲。即係負責估嘢嗰位人兄,將預先設定咗喺手機嘅相片,放喺額頭度,然後再由隊友做動作畀佢估。雖然只係一個咁普通嘅遊戲,但係一班「名男」就玩到high爆,笑到反晒肚,開心其實好簡單。

丁子高貴為公關公司嘅老闆,閒時都會約一班城中「名男」出嚟聯誼下,所以老婆楊千嬅都欣然放人。

 

一班大男人聚埋一齊,竟然係玩《獎門人》遊戲,仲要玩到咁癲,真係估佢哋唔到!

 

一個咁普通嘅遊戲玩足成晚,大家仲要笑到反晒肚,咁鬼嘈,梗係要卜間房玩啦!