為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2016 年 10 月 16 日

回答吧!1981 雷安娜

一九八一年的時候,你在做甚麼?聽過〈人在旅途灑淚時〉沒有?〈舊夢不須記〉呢?雷安娜呢?

一九八一年,正是雷安娜出道的年份。那是個還沒有CD、MP 3,只有黑膠唱片和卡式帶的年代,更重要是:「嗰陣啲人好純樸,冇K唱、冇機打、冇網上,娛樂只係聽收音機、聽歌、追電視劇同睇戲,啲人聽歌,真係會用心聽。」

所以,〈人在旅途灑淚時〉隨着麗的電視八十集連續劇《人在江湖》的高收視,加上當時紅透半邊天的關正傑有份合唱,雷安娜就這樣加入了樂壇。「我錄完首歌就去咗加拿大探cousin,都唔知佢哋派咗首歌上台,仲出埋碟。」

所以,她的一曲〈舊夢不須記〉,隨着大氣電波熱播,成為了當年商台流行榜九星期冠軍,以及港台全年十大歌曲,亦令她的首張大碟獲白金銷量(當時標準為逾五萬張)。「你諗吓嗰陣香港樂壇幾鼎盛!白金銷量主要係香港市場,星馬嗰啲都只係佔少量;內地呢,直情完全冇呢回事(沒有於當地推出此碟)。有樂迷同我講過,佢嗰陣為咗聽呢首歌,聽斷咗幾餅cassette帶呀,哈哈。」

今天入行三十五年了,但早已結婚、移居到加拿大的雷安娜,並沒有依戀當年出道時有幾勁、幾巴閉,反而對那個時候的點點滴滴印象深刻,對那些美好的年代充滿着情懷。

 

 

我屋企

雷安娜出身的家庭,是加拿大早期移民。「我阿爺十一歲嗰陣,已經飄洋過海去咗溫哥華開始捱,佢哋嗰陣好興娶幾個老婆,然後啲老婆又會生啲仔女,整吓整吓,我哋個家族變得好大,o依家基本有八、九成都喺嗰邊。

「有一、兩年,我參加屋企聖誕大食會,未嚟齊都有六十幾人,有好多我都唔識,有啲cousin我連見都未見過,可能喺街撞到都唔知係自己親戚,哈哈!」

她出生於香港,家有五兄弟姊妹,排行第二,對上有一個大家姐,對下有一個弟弟和兩個妹妹,小時候已跟父親聚少離多。

「我爸爸喺溫哥華做貿易生意,成日周圍飛,一年唔知有冇三個月留喺香港,變咗我細個嗰陣,成屋都係女人,我媽咪個人又好腍,我哋幾個又好頑皮,成日蝦佢,無王管咁。

「我好記得爸爸係個貪靚、好鍾意show off嘅人,每次有乜嘢電器,左鄰右里佢係第一個擁有嘅,佢就會叫啲街坊返嚟搞聚會:『呢部係我新買嘅唱機……』然後就播歌畀大家聽。」

耳濡目染下,她自己也愛上了唱歌,經常在家裏引吭高歌。「我細個覺得自己把聲幾好聽,唱歌又幾好,都幾自豪o架,但係出到去就變咗紙老虎囉。」

 

 

 

八五年,與舊同事Jimmy Lau(右)結婚後,雷安娜毫無避忌偕丈夫出席公開活動,其時還有剛憑〈再坐一會〉晉身樂壇的鄺美雲(左)。

 

八二年,首次演出青春愛情電影《彩雲曲》,女主角是當年的「學生女神」莊靜而(中),還有後來出了家的莊文清(右),雷安娜更負責主唱同名主題曲。

 

八三年,正值雷安娜當紅時期,跟同屬寶麗金的譚詠麟,是公司的一哥、一姐。