為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 10 月 11 日

關慧玲

《東周刊》社長兼總編輯。

打白骨精打到去多倫多

孫悟空打白骨精竟然打到去多倫多!戲曲學院創院院長毛俊輝(見小圖)與該院嘅製作主任洪海,九月初首次遠赴多倫多宣揚粵劇文化,跟加拿大寶新聲戲曲演藝中心合演經典粵劇劇目《西遊記》之〈孫悟空三打白骨精〉。

 

毛SIR話寶新聲嘅阿頭陳景英以前在演藝唸過粵劇課程,係毛SIR學生,佢在多倫多推廣粵劇不遺餘力,培育小朋友了解中國戲曲文化,好多連中文都唔識,但就會哼幾句粵曲。

粵劇戲服繽紛、人物表情也生動,不過好多經典劇目唱的部分較多,而三打白骨精本身動作較多,毛SIR再加入唔少劇場元素,陳景英仲帶埋佢培訓嘅小朋友學生出演馬騮仔,表情趣怪,更加適合少睇粵劇嘅人。台下唔少外國觀眾好多第一次睇粵劇,都覺得十分有趣,完場後留低同演員交流。

今次毛SIR一行近三十人去交流,由香港駐多倫多嘅經貿辦事處贊助,原來十年前毛SIR在香港話劇團時,也經由經貿處贊助,去過當地演出「新傾城之戀」,有觀眾仲記得,走來同佢熱情握手,仲話「餓戲」好耐。

毛SIR話,這次跨國演出經驗可貴,「演藝訓練咗唔少青年學生,好似今次做孫悟空嘅學生才二十歲出頭,跳躍十分靈敏,成隻生馬騮咁,觀眾睇到拍晒手掌。演藝今次將粵劇帶到海外,學生都可擴闊眼界,喺唔同種類嘅觀眾面前表演,達到推廣傳統藝術文化之目的。」

毛SIR最近剛從演藝學院戲曲學院院長一職退下來,但都堅持完成呢次交流,佢話演藝早年規模細,爭取贊助外出交流較容易,佢睇到交流對學生好有用,毛Sir又感慨:「我們這次出訪遇上有心人推動粵劇,但礙於現實環境,在外國很難學習(粵劇)與實踐。而這正凸顯演藝粵劇課程的可貴之處。」