為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 10 月 12 日

樊亦敏厚粉賣魚蛋

無綫近年有唔少小生、花旦、綠葉離巢,所以急call昔日嘅藝人回歸,當中包括現年四十六歲、九一年港姐最上鏡小姐嘅樊亦敏。最近,樊亦敏就忙住拍新劇《我瞞結婚了》;喺劇中,佢就飾演一名魚檔老闆娘,唔好以為賣魚婆就一定扮到爛撻撻,其實除咗對咗水靴之外,樊亦敏就有全新嘅演繹。

日前,東姑去鯉魚門食海鮮,就見到樊亦敏剛剛收工,出面天時暑熱,佢聽到導演一嗌good take,就即刻走咗去茶餐廳搵人吹水涼冷氣。雖然東姑冇入到去茶餐廳裏面,但遠距離都見到一臉濃妝嘅「賣魚婆」;怪唔之得,網上有好多「巴打」都話,樊亦敏出親鏡啲粉都成呎厚嘞。其實,素顏賣魚會唔會真實啲呢?

樊亦敏對水靴要成千蚊,着嚟賣魚,肯定佢係一個富貴嘅賣魚婆。

 

同茶餐廳老闆娘傾偈傾到指手劃腳,樊亦敏唔知傾啲乜嘢咁激動呢?

 

雖然出面天氣熱辣辣,但樊亦敏一入到茶餐廳就覺得有啲凍, 你睇吓佢着幾多衫,仲要嘟晒嘴。

 

樊亦敏呢一身打扮加埋佢面上咁厚粉,似唔似賣魚婆,就真係見仁見智。