兩年前離開無綫北上發展的馬浚偉（馬仔），近月回歸進軍舞台劇界，不但首次身兼監製、導演、編劇和男主角四職，更出面集資二百萬製作費，全部一手包辦。

尚有一個月便公演的《偶然‧徐志摩》，馬仔連日來跟拍檔萬綺雯（蚊蚊）忙於綵排，席間一場浪漫相遇戲，只見有廿年演戲經驗的馬仔，渾身是戲，不用三秒即成功搞到亞視「視后」蚊蚊淚如雨下，火花十足。

馬浚偉力邀萬綺雯及羅敏莊出演舞台劇，兩女分別飾演徐志摩第二任夫人陸小曼，與第一任夫人張幼儀，當中不乏有親密戲分。

負傷上陣

當日馬浚偉與萬綺雯排練一場偶遇戲，雖然是簡單文戲，但內心戲十足。劇中分別飾演徐志摩和陸小曼的他們，一埋位已投入角色。深情款款的馬仔以溫文爾雅的言詞安撫滿懷心事的蚊蚊，句句觸動人心，不用三秒，蚊蚊已雙眼通紅，語畢即低頭拭淚。

演技十足的二人，同場還大獻舞功，勾肩搭背大跳華爾滋，大擺高難度甫士，表面上跳得似模似樣，但私下二人原來是飽受舊患痛楚頂硬上。馬仔胸椎有問題，蚊蚊則是腰椎有事，每每綵排跳舞後便孖住睇中醫，馬仔說︰「我每個禮拜都會同佢去睇脊醫，要做啪骨、針灸同拔罐。」

馬浚偉與萬綺雯演戲經驗十足，一埋位即入晒戲，講兩句已令二人情緒即由喜變悲。

萬綺雯貴為亞視視后交足戲，三秒當場落淚。

綵排時馬仔不惜踎地，專注整理劇本。

激動的蚊蚊欲言又止，隨即雙眼通紅，話喊就喊，嚇得馬仔急忙拎出手帕。