古天樂倒米代言
早年幫內地車胎代言拍廣告，古天樂用普通話講「想節能、輪胎能」，呢句對白至今仍令人爆笑，但未知是否形象太突出，他自始成為汽車商品廣告的寵兒，更連續六年擔任汽車公司代言人。
不過日前他到九龍灣出席汽車旗艦店的開幕活動，就同東姑自爆不愛駕駛，亦沒有儲名車的喜好，更已超過十年沒有揸車：「我冇呢鋪癮，其實係太攰，同埋塞車時隔籬啲車泊埋嚟會好驚，買車都係方便屋企人。」認真倒米。
古天樂當日由數名保安開路，盡顯身價。
身為代言的他，跟老闆們一齊出席剪綵儀式。
由馬路落車步入會場，他任由大批市民包圍任影。
沒有「玩車癮」的他，出入由司機接送。
活動過後他上了杜琪峯位於觀塘的辦公室開會。
