為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 09 月 24 日

基哥退隱執教 「滅黨」釀「退黨潮」

民協立法會議員馮檢基爭取連任失敗後,據悉佢未想退休住,計劃去民協旗下嘅教育中心做導師,執教再培訓課程。因為選舉失利引咎辭職嘅民協主席莫嘉嫻,有傳之後都會去教育中心教課程,「以後教育中心變成民協老鬼嘅收容中心。」有政壇人士笑說。

民協今屆慘敗瀕臨「滅黨」,仲引發「退黨潮」,盛傳多名區議員退黨,包括副主席譚國僑嘅愛將林健文,以及民協「福將」吳美等,黨內消息指佢哋對民協選舉部署好失望,「佢哋覺得基哥唔應該空降新西,應該留喺九西幫譚國僑抬轎。」據悉,馮檢基已大力挽留黨員,但成效唔多理想。

另一個蘊釀「退黨潮」的新同盟,據悉被指出賣范國威、幫咗鄭家富助選嘅三名新同盟區議員已退黨,但黨內士氣低落。關永業被勸「棄選」期間,曾考慮退黨再繼續選「超區」,但後來覺得影響大,所以無咁做。

  馮檢基(右)喺選舉落敗,據悉將會執教再培訓課程。