為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 09 月 24 日

再見,我的少女時代 Jessica

韓國每年「造星」無數,講到至hot女團,一定非少女時代莫屬。前少時成員Jessica(鄭秀妍),自一四年「被離隊」後,反而擴闊了「錢途」,不但創立太陽眼鏡品牌Blanc & Eclare,擔任總裁及創作總監;早前更與F(x)成員胞妹鄭秀晶(Krystal)姊妹檔來港掘金,人氣依然。

「我係一個隨遇而安嘅人,唔鍾意為咗一件事唔開心好耐。既然件事(被退出少時)已經發生咗,Ok!Move on(繼續前進)!o依家對我嚟講咩都係重新開始,包括出個人唱片,去北京同陳偉霆拍戲,又會同謝霆鋒合作,接觸到世界各地唔同嘅人,我覺得自己好幸運!」

與其原地踏步,不如像Jessica般,勇敢向前邁進。

正忙於推廣其太陽眼鏡品牌的她,已有下一步計劃:「我一直都好鍾意收藏香水,所以下一步計劃推出香水品牌。」

 

因禍得福

訪問韓星,一向規矩多多,事前已被工作人員告知,不能問及少女時代及戀愛事宜,但Jessica卻沒有刻意封口迴避。所謂塞翁失馬,焉知非福,現在的她,比以前更面面俱圓。「我以前好怕醜,唔敢喺人前講嘢,但近呢兩年,我放開咗好多。」

一四年,Jessica被前SM娛樂公司單方面踢出少時,令她飽受委屈,不甘示弱的她,其後發出聲明,大爆公司及其他成員因她要發展個人事業為由,強行逼她退出少時,結果與姊妹反目,成為眾矢之的。

回憶不堪往事,Jessica直言曾一度相當沮喪,「退隊之後,心入面好驚,好幾個月都唔能夠工作。喺我失落嘅時候,我會睇粉絲寫畀我嘅信,其中有一封信我好記得,個粉絲一路寫一路喊,連張信紙上都殘留咗幾滴乾咗嘅眼淚,字跡都化開晒。我睇到封信,自己都喊咗出嚟,因為佢,我話畀自己知唔可以再咁down,要堅強啲,我要多謝我嘅粉絲,佢哋對我好忠心,一直留喺我身邊。」

想再看到少時九人合體,鐵定不可能,但Jessica大方指,在少時的時間,是她最珍惜的日子。

「我十一歲已經被人發掘,足足訓練咗七年先出道,我亦係第一個被揀成為少時成員嘅人,好多人都知韓國做練習生好辛苦,同日本一樣,藝人都要接受好嚴格嘅訓練。但我反而覺得好有趣,o依家嘅小朋友放學後都要去學跳芭蕾舞、彈鋼琴等,而我就可以每日學跳舞、唱歌、做戲、唔同嘅語言,見識唔同嘅人,嘗試咗好多新事物,無少女時代,就無o依家嘅我!」

曾是少女時代成員的Jessica(後左三),表示仍有與部分成員保持聯絡,今年五月更以Solo歌手回歸樂壇。

 

當年被公司無理退團後,Jessica被粉絲拍得她掩面大哭跑出公司大樓的一瞬。

 

去年Jessica擔任謝霆鋒飲食節目《十二道鋒味》第二季嘉賓,大讚霆鋒烹飪手藝一流。

 

早前她(右)與陳偉霆及唐藝昕主演內地電影《那件瘋狂的小事叫愛情》,進軍影壇。