為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 09 月 22 日

林作新look上市

十優港姐麥明詩早前宣布與大狀男友林作(Joseph)結束三年情,林作事後回應:「我哋一直都係朋友,我從來冇喺公開場合講過我哋係男女朋友關係。」 話口未完,上周又畀人影到二人中秋合體食團圓飯。

拍拖又好,單身又好,林作一向我行我素,一頭亂髮加有如哈利波特的四眼形象鮮明,為趕走「頹」樣,早前他專程走去找大狀「師兄」周國豐幫拖,變髮、剃鬚、轉形象,實行執正個look再戰江湖,「我由十六歲開始冇轉過髮型,媽咪見到我短髮,佢會心情唔好,可能想要個女啩。其實每日都有人叫我換吓形象,咪試吓囉!」

林作以新形象上市,麥明詩畀唔畀like先?

林作和麥明詩拍拖三年,牛津尖子配十優港姐,理應好匹配,但二人呢頭話分手,嗰頭又團圓,關係撲朔迷離。

 

 

執靚個頭

廿六歲的林作,仍然擁有一張baby face,身為大律師的他,經常要上庭,平日例牌穿西裝示人,「大狀一定要着西裝,一星期着足五日,我個樣比較o靚仔,更加要着得好啲。」

早前,他專程到周國豐在中環開設的Attire House概念店來個大變身,甫坐下,先剪頭髮和剃鬚,但他表現有點緊張,還千叮萬囑髮型師不要剪得太短,他笑說:「三個月剪一次頭髮係極限,我幫襯開個剪髮師傅十年,一坐低乜都唔使講,佢就知點剪,其實我唔係特登set呢個髮型,但每日一起身就係呢個型,用少少髮泥,唔使照鏡,『摷』十秒就成形。」

這天,專業師傅親自操刀為他剃鬚,一塗一刮,每個步驟他都覺得好新奇,並認真地問:「有乜辦法可以有多啲鬚?係咪剃多啲就得?我自己日日剃鬚,好似多啲好睇啲。」用了約一小時整好個「頭」,林作在鏡前左照右照,滿意地說:「型啦!精神好多!」

髮型師先噴濕他的頭髮再剪,林作表現得有點緊張,約三十分鐘剪好晒,他左望右望,說:「型啦!精神好多!」

 

先敷熱毛巾,令毛孔擴張。

 

為他潔面按摩,塗上易刮油保護皮膚。

 

再以手製獾毛刷,塗上剃鬚膏泡沫,林作張開雙眼全程監工。

 

師傅以一塊過的剃鬚刀,45度角逐下逐下輕輕剃,看得出林作好享受。