為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 09 月 21 日

林盛斌 畀女圍high爆

人在異地心情特別輕鬆,最近,東姑就發現林盛斌(Bob)同梁烈唯(唯唯)孖住去咗馬來西亞登台。冇老婆喺身邊,兩條麻甩仔簡直冇王管, 於是齊齊去咗當地嘅夜場見識吓。點之,玩到半路中途,突然全場起哄,跟住一齊唱生日歌;原來係為咗幫Bob慶祝三十七歲嘅生日。

有朋友幫自己搞神秘生日party,阿Bob興奮到不停飲酒,high到冇朋友!佢仲一邊跳舞一邊狂隊,一眾索女行埋去影合照,Bob都有求必應。好彩,佢最後都能夠自己搭車返酒店,冇好似以前咁酒後出事,如果唔係實畀老婆扭耳仔!

睇下Bob飲到幾high,同索女影相整蠱造怪,非常得戚。

 

 

 

梁烈唯眼矇矇自舔手指,一睇就知道佢飲咗好多啦!

 

當晚Bob高舉十磅重蛋糕四圍行,興奮莫名。