為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 09 月 10 日

拍拖晒恩愛!謝偉俊搣白姐姐面珠仔

上周日(9月4日)舉行的立法會選舉,57歲的謝偉俊在九龍東順利當選。選舉後,心情大好,就見他陪老婆白韻琹去街,拖手仔,過甜蜜二人世界。當晚9時許,就見兩公婆飯後去了銅鑼灣寓所附近的手機店,似乎想搵plan轉台。政界名人大駕光臨,店舖男經理親自熱情招待。謝氏夫婦先企在服務台詢問,二人輕輕鬆鬆食香口膠,你一句我一句,車輪嘴問上台月費。見戴帽穿連身裙的潮裝白姐姐同店員有傾有講,對答如流,完全唔似有病!十分鐘過後,二人揀好月費,就坐低等簽約,初時阿Paul顧住做「低頭族」睇手機,冷落太太,而面形睇落瘦咗、尖咗嘅白姐姐就自顧自有儀態咁蹺腳,戇居居周圍望。未幾,謝偉俊撩吓老婆傾偈,見白姐姐「天然呆」扮嬲個樣就開始陰笑,然後出手整蠱愛妻,揑下白姐姐的V煞面。難得白姐姐一副「睬你都傻」嘅樣,任老公搓揉,場面幾搞笑。兩公婆耍完花槍,簽埋份約,就連體放閃拖手返家。

上周日舉行的立法會選舉,57歲的謝偉俊在九龍東順利當選。

 

謝偉俊畀老婆嘅萌樣吸引,忍唔住揑下佢面珠一下。

 

 

 

 

謝偉俊一有空即陪老婆白韻琹去街,拖手仔,過甜蜜二人世界,真係好男人。