吳岱融無悔同老婆拍3級片

闊別無綫22年的吳岱融繼去年回巢拍《刀下留人》後，再在新劇《巨輪II》飾演地產商惡霸高天鷲。他透露當日離開無綫是想與家人有多些相處時間，又表示無悔與太太一同拍三級片，認為沒有被逼，亦是劇本需要，亦與太太有共識。

吳岱融接受《巴士的報》訪問時，表示當日離巢是有感當時自覺拍劇拍了很長時間，加上在無綫拍劇辛苦，決定停一停做其他事情，包括幕後做導演，一做就做了很長時間，亦想跟過家庭生活：「冇得解釋o架，有時人生衝衝幾十年，隨心囉！返嚟（無綫）拍劇都鍾意，因為我好鍾意演戲。」吳岱融無回應有無人打動他回巢，只笑指自己做這一行久了，不懂做其他事。而《巨輪II》高天鷲一角是監製王心慰（Amy姐）覺得他適合：「呢個角色幾十年冇人寫，所以咪冇出嚟。」

 

吳岱融接受《巴士的報》訪問時，表示當日自覺拍劇拍了很長時間，加上在無綫拍劇辛苦，故決定離巢。

離開無綫22年，除在內地拍劇 ，亦與老婆鍾淑慧拍攝多部電影，他指與太太拍攝《人鬼孤》相識，及後合作拍三級片《滅門慘案之孽殺》：「我對演戲呢方面冇咁介懷，簽咗合約就拍，剪接出嚟點樣渲染就冇辦法。（當時唔想另一半拍？）係佢俾劇本先，我覺得劇本幾好，我睇完話我唔介意。好多人唔鍾意另一半咁，但我自己做呢一行，每個人要求唔同。我唔係被人逼，係劇本需要，Why not？我覺得係工作，唔可以相提並論。」

當年由一線小生變成3級片男星，吳岱融難以定斷結果是否在預料之內：「根本冇諗過，每個地方文法唔同。當呢個地方有80%、90%係呢種諗法，我就輸緊。日本人10幾歲抱負做AV女，難道你話AV係錯，佢哋由細到大文化係咁，睇你點睇。你覺得我跌咗落去，但有得有失，如果今日身材Fit都會拍。一般人可能覺得我跌咗，但我係過緊我一啲想要嘅生活。」

吳岱融同老婆鍾淑慧拍攝多部電影，更拍三級片《滅門慘案之孽殺》。

闊別無綫22年的吳岱融繼去年回巢拍《刀下留人》後，再在新劇《巨輪II》飾演地產商惡霸高天鷲。

吳岱融表示兒子和自己餅印一樣，但看真一點似乎似鍾淑慧多一點。