城城向方媛講4次I Love You

郭富城（城城）紅館騷昨晚(9月8日)尾場，女友方媛高調捧場。城城唱到情歌〈永遠愛不完〉時，後半首對著女友方媛情深獻唱，包括歌詞「對你愛愛愛不完」。之後去到快歌，方媛更high到企起身拍打「bom bom棒」並起舞，非常投入。

其後，城城再唱情歌〈I LoveYou So〉前，就行到女友方向先後講了4次「I love you」，他說：「着紋身衫行埋嚟講I love you有咩感覺，係咪有能夠保護到你感覺呢？」城城又谷肌肉，笑言如大家不說I love you，並叫全場大叫「Aaron I love you！」全場高呼和應，他即回禮說：「I love you so。」

 

城城再唱情歌〈I LoveYou So〉前，就行到女友方向先後講了4次「I love you」。 

 城城在慶功宴上，接受傳媒訪問時，就首次公開大讚和多謝女友Moka，又爆Moka看了8場演唱會。城城說:「好多謝佢，佢特登飛嚟香港支持我，佢都放低自己工作，留低睇演唱會，睇咗8場。(之後會否陪女友去玩?)我都要工作，佢都要返上海繼續工作，佢放低工作默默來支持我，我好感激佢。」問到女友對演出有何意見? 城城說:「佢覺得好感動，佢知我辛苦，唔想騷擾我，佢係一個好善解人意的人，我都好開心。佢未見過我舞台真正表演，佢睇完覺得我要食返多啲嘢，關心我健康。」

另外，城城更自爆與女友沒見面，他說:「我哋冇見面，連喺後台都冇見面，因為佢唔想騷擾我。(幾乖。)」都係乖。」談到Moka被觀眾集郵，城城希望大家能夠可以接受他身邊朋友。提到女友前晚睇騷感動落淚，城城表示與Moka短訊來往，她不想騷擾城城，沒要求要見面。（女友走也不見?）城城說沒有，看之後安排。問到向女友方向說I love you，城城說一心一意為觀眾表演，不是為個別的人。

城城在慶功宴上，大讚和多謝女友Moka，又爆Moka看了8場演唱會。

提到女友前晚睇騷感動落淚，城城表示與Moka短訊來往，她不想騷擾城城，沒要求要見面。