有「收視福將」之稱的歐陽震華，早前主演的劇集《一屋老友記》收視和口碑俱佳，他飾演的「大寶」一角，更大有機會問鼎今年的「視帝」殊榮。
雖然，攞獎言之尚早，但劇集有好成績，向來是愛車之人的他，也第一時間買新車給予自己獎勵。

早前，本刊便獨家直擊歐陽震華到車行出車，揸走車價約七十萬、有「美國野馬」之稱的戰車離開，玩車堪稱玩到「車神級」境界！

自我獎勵

歐陽震華（Bobby）貴為無綫收視福將，所演劇集通常收視上都取得佳績；不過，數到他上次攞「視帝」，已經是〇〇年《洗冤錄》一劇，至今相隔足足十六年，難怪會恨再攞獎恨到流口水。早前，劇集《一屋老友記》有收視又有口碑，亦令他再奪視帝的呼聲增高。

雖然獎座未落袋，早前更有熱播劇《城寨英雄》殺出一個「拳佬」陳展鵬爭獎，但一向是愛車之人的Bobby，一早已訂了一部新車作為自我獎勵。

據悉，Bobby近年幾乎年年換車如「集郵」，曾先後擁有多部靚車的他，買心頭好會不惜大灑金錢，好彩有老婆多加提點，才不至於玩物喪志，他曾在訪問中揚言說：「試過有一次睇中咗架車，仲諗住一口氣買一架畀老婆、一架畀自己，老婆叫我唔好咁衝動，而且又冇必要（買兩架）。」

Bobby最近購入逾七十萬「美國野馬」辣車，給予自己獎勵，日前，見他興奮地載着友人試新車。

愛車人Bobby擁有多部靚車，包括：車價三十五萬的黑色標緻跑車（右），以及車價高達一百八十萬的白色平治跑車（左）。

Bobby另有一部車價約四十萬的豐田四驅車，車價雖屬於中價型，但型格玩味卻十足。

豪爽換車

一三年，Bobby因嗆喉致急性肺炎送入ICU搶救，險變成植物人，大步檻過後，他都不忘講笑要再買靚車：「最慘嘅事，就係走咗啲錢用唔晒，所以出院就買架林寶堅尼送畀老婆。」雖然，當場被太太傅潔嫻以「送畀我都唔識揸」婉拒，但兩人沒有子女，身家幾多都帶不走，更激發Bobby做人要及時行樂，難怪買車換車從來豪爽冇手軟。

Bobby是惜車之人，一落車便檢視車身，看看有否被刮花或沾了污漬等。

本周日（四日）， Bobby、張穎康、張彥博、呂慧儀、劉江、羅蘭，啟程前往台灣拍攝旅遊節目《一屋老友去旅行》，Bobby透露滕麗名和盧宛茵將稍後會合他們，拍攝十多日，由台北殺落台南，再去墾丁。