陳展鵬，你紅了

陳展鵬應該會很紅，所謂應該，不是劇集做男主角，是要觀眾接受，你看李思捷便明白。《城寨英雄》之後是《巨輪2》，再之後應該可以獨挑大樑，不用要搭袁偉豪、蕭正楠。

陳展鵬應該會很紅。所謂應該，因為人紅有樣睇，他未算十分靚仔，甚至不夠正氣、帶點邪。有理由相信，他平日戴眼鏡也可能因為深明此理。現在《城寨》交副眼鏡給牙佬，拳佬毌須戴眼鏡也來得順眼。以往只有不是拍古裝，觀眾接受的前提下才可以做到，你看蘇永康可唔可以除低副眼鏡拍劇便知道了。

又或這樣說，蜀中無大將，無綫小生走的走，不簽約的不簽約，造就一班捱了多年的演員發圍機會，但始終貨源不足，所以要保住歐陽震華這福將，亦要搵番出走多時的羅嘉良，甚至拍過王維基劇的林文龍。否則將會出現更多睇完胡定欣《一屋老友記》，緊接《城寨》刁蘭；睇完陳展鵬《城寨》拳佬，緊接《巨輪2》喬天生，未計半夜重播的《廉政行動2016》老廉角色，肯定你會消化不良。他們不是配角，好的角色，需要時間消化、沉澱，先能讓人回味，留下深刻印象。不是李成昌、劉江，甚至羅樂林，一日死幾次，或者一年幾套劇，時忠時奸，角色混淆，睇到精神分裂。

陳展鵬應該會很紅，所謂應該，因為他經歷過一段演藝生涯，本身是打兵乓波的運動員，讀過TVB藝訓班，拍過電影、當過歌手，在亞視捱了很多年，司儀、主持也做過。轉投無綫，磨刀多時，終發揮洪荒之力。試過奪得新加坡視帝，又攞過無綫「最受歡迎電視男角色獎」。加上緋聞不多，不像黃宗澤、吳卓羲，甚至拍親劇都同劇中對手搞上關係的鄭嘉穎。即使是掩飾也好、至少表面上成功打造一個努力工作，形象正面的刻苦藝人，其實有點像陳豪。

亞視別了，但是過無綫的藝人不但企穩陣腳，甚至備受重視，田蕊妮、江美儀、萬綺雯、陳煒是女性代表，陳展鵬難保不成為第二個張家輝，燃點亞視吹熄的火，在演藝事業上發光發熱。「前世做錯事，今世做亞視！」吃虧嗎？反而吃香。