為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 08 月 28 日

星二代新力軍 馬德鐘捧仔入行 18歲馬在驤:我靚仔過老竇

遺傳了父母的優良基因,星二代有青澀初長成的小鮮肉,個個既有標青樣貌,更是名校出身,其中吳婉芳餅印大仔Caspar是尖子生,廿二歲已讀碩士;二十歲細仔Lynus則是英國健美先生冠軍,上月陪母親到馬場亮相後,即被外界封為「筍盤中的筍盤」。

苗僑偉廿二歲的囝囝苗俊,則擁有六呎二吋、比父親更高的身形作賣點,吸引到不少索女埋身。

至於馬德鐘十八歲兒子馬在驤,除有標準男神的樣貌身高,又擅長拉小提琴和游水,曾與今屆奧運的港隊女泳手何詩蓓齊齊接受游水訓練,打算入行的他,信心爆棚!「我靚仔過老竇!」

上周四,他獨自擔任活動嘉賓,表現淡定又落力。

 馬德鐘兒子馬在驤 青出於藍


現在十八歲剛成年,身高六呎二的馬在驤(Xiang),於法國國際學校就讀最後一年,他能操流利法語、英語和普通話,至於廣東話呢?「我平時同爹哋媽咪講嘢,主要都係用法文;但爹哋驚我唔識中文,喺屋企都會要我講廣東話!」馬德鐘曾說過跟兒子關係猶如好朋友,阿Xiang點頭承認說:「我細個時,佢都帶過我返大陸拍戲,畀我睇佢開工。呢幾年我鍾意咗夾band,爹哋就喺屋企整間music room畀我玩音樂,爹哋媽咪都讚我唱歌好聽。」問到他跟父親相比,誰更靚仔,他笑着說:「我靚仔過老竇!」

無可否認,阿Xiang絕對有條件成為娛樂圈新力軍,反正他的爹哋早已坦言會支持他入行。「我對呢行都有興趣,爹哋媽咪一直都畀我自己揀。」但大前題是,他選擇先要完成學業,皆因他早已跟父母商討升讀大學的事。「我對數理化科目有興趣,但將來大學選乜嘢科就未諗到。」

遺傳了爹哋馬德鐘(左)的優良基因,他語帶自豪地說:「我高過爹哋少少!」

 

今年七月,代表泳會出戰香港公開游泳錦標賽與隊友參加「4 x 100 米接力」,合照時即大晒胸肌。

 

五月時,獲泳會封為「Swimmer of the Month」(每月之星),他開心得拿着證書拍照。