鄧紫棋扮比卡超冧國粉

鄧紫棋（G.E.M.）啱啱過咗佢嘅二十五歲生日，而非常睇重國內市場嘅佢，開生日會梗係唔少得國內嘅粉絲啦！早排，佢就喺內地搞咗場生日會冧歌迷，開騷前，佢為咗慰藉一班唔能夠出席嘅粉絲，於是做咗一場直播。

G.E.M.難得搞直播，東姑興奮捧場，一開始佢就清唱一曲《睡公主》，雄渾嘅聲線，真係冇令到觀眾失望。而見到佢一身「黃紺紺」嘅裝束，啲粉絲都忍唔住要不停留言問：「做乜着睡衣？」激到G.E.M.生蝦咁跳回應：「我講咗幾多次呢件唔係睡衣！」照東姑目測，呢件「黃紺紺」嘅外套，的確唔係睡衣，佢應該係想扮近期熱爆全球嘅比卡超囉。之後，G.E.M.全程以國語作直播，擺明淨係顧住國內市場，小心香港啲粉絲慢慢流失呀！

G.E.M.話好耐冇鬢辮嘞，以前返學日日都要鬢辮，維持咗五年。

東姑研究咗好耐，估計G.E.M.呢個look係想扮近期熱爆全球嘅比卡超囉。

期間，啲粉絲不停喺網上發紅包畀佢，G.E.M.就高叫：「不要再給我發紅包了！」

國內嘅粉絲坐到座無虛席，口號氣勢如虹，o氹得G.E.M.好鬼開心！