劉青雲、彭于晏爆古天樂唔識游水

劉青雲及彭于晏（Eddie）近日抵達馬來西亞宣傳新片《危城》，青雲乘機投訴拍爆炸戲時最遲離開，又大爆古天樂（古仔）不諳水性。

兩人與導演陳木勝一同接受當地電視台訪問，雖然古天樂未有同行，兩位拍檔未有忘記他，而且趁古仔不在現場時大講壞話。Eddie被主持人問到若青雲及古仔齊跌入水中時會選擇救誰，豈料青雲即搶答大爆古仔不諳水性：「梗係救古天樂啦，佢唔識游水o架嘛！」

青雲又笑指今次雖然有很多打鬥場面，更乘機投訴：「拍時裝片有時仲危險o架，Benny（陳木勝）拍完會炸爛佢。我拍爆炸戲時成日都安排我最遲走，以前仲要多數真爆，我就企喺個炸彈隔離，成日會借啲意行前兩步，點知就被人叫返後。」陳導聞言也笑指：「咁你係男主角嘛，所以最遲走。」

劉青雲、彭于晏與導演陳木勝一同到馬來西亞宣傳《危城》。

古天樂未有同行，二人大爆古仔不諳水性，唔識游水。

青雲又投訴拍爆炸戲時，永遠係最遲走的一個。