為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 08 月 09 日

關慧玲

《東周刊》社長兼總編輯。

男神咭片暗藏密碼

日在應酬場合不時收到咭片,格式都差不多。不過青年事務委員會主席劉鳴煒好搞嘢,上星期遞上一張信用咭,一張登機證,收的人都忍不住一睇再睇。

問鳴煒為何新咭片設計咁出位?佢話咭片裏面有好多密碼。

其中離地航空嘅登機證咭片,係鳴煒嘅諗頭,專登攞自己之前「去少啲日本」言論被批堅「離地」來自嘲;另一個密碼,就係佢嘅「3K」機位,「之前我叫人儲三千蚊買樓,都係自嘲嚟。」證上嘅猴子圖案,原來係代表猴年出世嘅佢。

另一信用咭,亦用上猴子黑武士,而號碼3000 3000 3000 3000,好明顯都係「儲三千蚊」自嘲啦。

 

鳴煒話,兩張咭片其實都有message,登機證背後寫着廣邀青年上佢哋網站分享內地和國際交流嘅心聲,其實佢哋早兩個暑假已同唔少參加者和機構傾過,結集心得製作成指南,畀舉辦機構參考。今次再發大來做,係想聽多啲後生仔角度,由「用家」去講交流團到底係點?好唔好玩?有咩效果?等日後辦交流團嘅機構可以多些參考,「去交流多數搭飛機,就係咁初步構思出來,當然有諗過其他名,但大家都覺得離地好襯我。」佢笑話同佢一齊「腦震盪」嘅創作團隊全部係後生仔,最細只得二十五歲,好代表依家年輕人心態。

而信用咭其實係講緊青年理財態度,咭後面一行細字,就係講緊一個涉及五百名十五至十八歲年輕人理財態度嘅研究,引人上網去睇。

做了年多青年事務委員會主席,鳴煒話講青年工作一般好沉悶,難引起人興趣,所以佢用破格手法去sell,事實亦引起迴響,佢依家派咭片往往引起唔少話題。鳴煒未來仲有唔少諗頭,包括玩埋改圖去講青年政策,希望拋磚引玉,令更多人關心青年人的未來。