消失的o靚模

曾幾何時，o靚模四起，出噴血寫真，書展肉香四射，緊接性感cosplay，再戰動漫，同樣波光劍影。Baby、娜姐、浸大E神、邦民女、36D乳牛等稱號朗朗上口，個個「模」出頭來，寫真賣個滿堂紅。今天，o靚模幾近消失，風光不再。

芸芸o靚模，周秀娜最具代表，她當年唧牙膏、食雪糕、出人形攬枕、搞簽名會，聲勢一時無兩。重要是她的支援團隊懂得搞新意，吸引傳媒。試穿三點式內衣，懷疑露出乳暈，再發布疑似走光新聞，「露雲娜」一名不脛而走；又試過刷牙影相，將牙膏滴落豐滿胸脯，令「滴娜」之名又聲名大噪。

娜姐憑o靚模階梯走上康莊大道，接廣告、拍電影，賺人仔，搞內衣生意，今時今日引起注意，已不需靠身上衣服愈窄愈少，反而不再賣肉，穿着比卡超衣服，網上預告率先玩Pokémen Go手機遊戲，可惜引發關公災難，呃like變呃嬲。

娜姐食雪糕，記憶尤新吧？

 因為周秀娜成功， 令不少o靚模爭相仿效，希望在書展突圍而出，成為傳媒着眼點，鎂光燈下主角，各出奇謀。試過有o靚模出席宣傳時，無啦啦帶了杯雪糕，在記者面前倒落心口，亦有o靚模搞簽名會，失驚無神在手袋中抽出底褲送給粉絲。

有人奇怪o靚模不顧身份，會否弄巧反拙，惹來反感，破壞形象。一位有份出資拍寫真的幕後人士娓娓道來，有些o靚模為何不怕形象受損，用盡方法，只驚無人注意。

寫真威力，不少o靚模藉此而水漲船高，吸引一班出入高級私竇的援交少女，希望一夜成名，提高身價，於是她們加入寫真行列，較一般o靚模剝得更徹底大膽。即使寫真沒人買也不重要，拿回大陸，變成自己名片，留給夜總會老闆，起碼有實體樣辦，方便檢閱，甚至造就出埠登台，結識老細的機會，開拓國內市場。

一位在中環私竇當援交少女的o靚模A，就因為想在書展中為人認識，提高知名度，曾經在宣傳寫真時自製紅潮風暴，在火辣性感泳衣下，穿着染有血色的衞生巾，惹來同行非議。後來為增加客路，更自編自導淫片，流傳網絡，令o靚模日走下坡的形象自此蕩然無存。

時移勢易，今天與其拿着寫真去書展捕獲o靚模簽下芳名，不如揸住手機周街活捉小精靈吧！