為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 07 月 29 日

大班淡出D100 李慧玲打骰

七十歲嘅大班「鄭經翰」,最近盛傳會退休返加拿大,佢經營嘅網上電台D100就交畀傳媒人李慧玲營運。

大班接受本刊查詢時卻否認賣盤,「邊個會買D100?無可能!」佢透露自己的確想退休,所以計劃將D100申請做社企,並成立管理委員會營運,「社企嘅公司註冊搞得七七八八,如果做咗社企,就規定無得賣盤。」

佢透露日後都唔會再揼水畀D100,「電台總投資一億,其中四千萬係我同股東出,其餘六千萬係節目收入及公眾捐款。D100靠大眾捐款支持,一早已經係全港唯一嘅社企電台。」

至於李慧玲,大班話佢兩個月前加入電台,做pbs頻道嘅台長,「pbs嘅節目內容全部由佢包辦,日後成立管理委員會,佢都會係委員,處理電台營運。」

咁大班係咪返加拿大?佢好激動話:「幾年前參加立法會選舉,已經放棄咗加籍,點返去呀?」佢話會逐步淡出電台,留港退休。

本刊早前撞到大班(左)及李慧玲喺金鐘密會,唔知係咪傾緊D100嘅發展大計呢?