為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 07 月 23 日

黃淑儀 唔熟唔買

黃淑儀(Gigi姐)煮嘢食拍得住大廚,教人煲湯煮餸毫無難度,但家頭細務分咁多種,有啲嘢都可能考起佢o架。

好似嗰日東姑喺一間大型家品店撞到佢,Gigi姐望住啲牀褥都望到好頭痕,估計應該係唔知揀邊張好,見佢仲猛問售貨員意見,最終都係揸唔定主意。
買餸佢就眼明手快、唔鮮唔食,但係牀褥呢家嘢,明顯被考起咗。唔知係咪睇完、問完一大輪,混吉唔係咁好意思,見佢最後求其買咗個萬能插蘇走。唔熟唔買,費事買返去唔啱仲呻笨,呢啲都係精明家庭主婦,持家有道嘅經驗之談。

Gigi姐同朋友喺家品店猛試牀褥,似乎毫無頭緒揀邊張好。

 

揀牀褥真係考起Gigi姐,見佢喺背囊攞電話出嚟影相,估計係影低返去問人意見。