為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 07 月 16 日

大展虹圖 蕭婉儀

經營時裝生意,總想放眼國際,但要普及化,便得擴展亞洲市場。

代理多個國際時裝品牌的彩虹集團老闆蕭婉儀(Terry),算是時裝界的幕後功臣,將多個名牌一手湊大,成功進軍內地。她坦言多年來在時裝界「南征北討」,經歷過多場風雨。

「由以前到o依家,我幾乎冇一樣嘢係一帆風順。點解要將公司名改做『彩虹』?係因為彩虹出現之前總會有好多風風雨雨,每個成功故事背後都要經過好多努力同磨練,最後彩虹先會出現,呢個亦係我做人做事嘅座右銘。」

風雨過後,晴天再現,長空中那道七色彩虹,看起來特別美!

蕭婉儀樂於談及自己的心路歷程,但一問到家庭狀況,即時落閘:「呢樣嘢我唔想講,太私人喇!我想有番啲私隱,唔想咁高調,總之我o依家嘅私人生活好開心!」

五千蚊起家

訪問這天,來到蕭婉儀位於澳門的「時裝王國」,甫踏入寫字樓,即被內裏的布置吸引着。室內掛了不少中國畫像和擺設,中國風甚濃;又有擺放梳化及飯枱,似屋企多過辦公室。「我份人比較天馬行空,鍾意乜嘢就會擺乜嘢,無特別去行中國風,只係好多古靈精怪,同有歷史價值嘅嘢,所以啲外國人好鍾意入嚟參觀,每次都可以睇成半個鐘,而且呢度好有屋企feel,特別溫馨,喺度做嘢好舒服!」

個性坐唔定的她,愛做「空中飛人」,一年只停留澳門兩個月。其手上擁有Versace、Jimmy Choo等至少二十個名牌代理權,亦是各大時裝騷的VIP座上客,難以想像她當初僅以五千元來建造這個「時裝王國」。

「我係土生土長嘅澳門人,喺澳門讀書,讀完書出嚟就喺家姐間工廠做文員,夜晚就去夜校進修,但我不甘寂寞,想搵自己嘅理想。以前放學返屋企成日經過澳門唯一一間時裝店叫『巴巴拉』,得閒就會入去睇吓,我就諗,不如就去做時裝啦!但嗰時我根本無錢,連個『本』都要借返嚟,咁o岩識得一個auntie,家底比較好,借咗五千蚊畀我,加埋我做嘢嘅積蓄,先喺澳門南灣開咗間只有一百呎嘅店(叫彩虹屋)。其後我喺銅鑼灣識咗一對日本夫婦,專收購日本貨尾,我就向佢哋入貨嚟賣。無幾耐『巴巴拉』執埋,冇咗競爭者,所以我開咗時裝店兩星期後,已經賺番個本,還番啲錢畀人,之後生意好到不得了,好多街坊嚟支持我。」

〇三年Hugo Boss於內地開設分店,她邀請(右起)劉嘉玲、周潤發及發嫂陳薈蓮到場出席活動。

一三年,蕭婉儀成為首位獲香港商務及經濟發展局局長蘇錦樑(左)頒發「安永企業家獎」的澳門企業家。

成功需苦幹

有人成功需父幹,但白手興家的蕭婉儀,卻未能得到父母支持,只能獨自逆風而行。

「我爸爸好早就唔喺度,佢以前係做米商賣米,但因為管理不善同唔識處理財政問題,走之前留低咗一筆好大嘅財政債項畀屋企,所以屋企人好反對我做呢行(從商)!佢哋好傳統,覺得做生意好大風險,一來當時屋企環境唔好,無錢去支持我;二來我媽媽讀書唔多,要一手一腳湊大我哋五兄弟姊妹,生活好辛苦。我雖然排行第二,但已經好有壓力,食又食得少過人,有嘢食又未輪到我,畀晒細佬妹先,凡事只可以靠自己。」

初出茅廬,總要交一點學費,蕭婉儀指,時裝店開業不久便有人跟風入日本貨,更被人在背後抹黑,令她生意大跌。「當時有兩公婆見我一個女仔都做得住,就學我去入日本貨,仲專登賣得平過我,又周圍同人講,我賣啲嘢貴,大家一齊鬥平賣。」對方的減價狙擊,令蕭婉儀把心一橫,決定轉賣歐洲貨,她更專程飛到外國入貨,不過人在異鄉,又不熟悉當地環境,令她再次撞板。

「當時好多香港人去入貨,我同人講話自己來自澳門,啲鬼佬聽都未聽過,直頭連招呼都懶得打。不過做人唔好怕瘀,可能我係女仔嘅關係,終於有個意大利佬肯睬我,願意賣啲散貨畀我。」生意逐漸上軌道,她亦愈做愈有「吉士」,後來得知Hugo Boss正物色亞洲地區代理,便膽粗粗飛到德國Hugo Boss總部,為見品牌經理一面,爭取代理權。「我做人唔怕辛苦,好少講個No字!唔會有一樣嘢一做就會得,做每樣嘢都要極力爭取,只要起得番身,怕咩?」

日理萬機的她,閒時亦會抽空做運動:「平時我有打哥爾夫球、網球、跳拉丁舞同行山,幾忙都好,我都要瞓足八個鐘。」

〇六年,她獲美國皇家百聖大學頒授榮譽哲學博士學位。