為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 07 月 18 日

趙永洪嚇得又型得

九九年、第十三期無綫藝訓班出身嘅趙永洪,其實個樣絕對唔差得過好多小生;不過,佢就要捱到〇八年,先至開始有人認識。喺處境劇《畢打自己人》中,佢因為飾演Marco一角,多咗班粉絲之餘,仲憑呢個角色獲得〇九年萬千星輝頒獎典禮–飛躍進步男藝員嘅最後五強,結果輸咗畀敖嘉年,東姑都戥佢可惜。

最近,北京郵政出咗趙永洪嘅頭像紀念郵票,型到呢!之但係,型嘅背後,原來佢都有恐怖嘅一面。

日前,東姑打開趙永洪嘅WeChat相簿,見到佢啲近照,個心突然離一離,一頭長髮掩面加白袍,「貞子」上身!原來佢同黃智雯、袁偉豪拍緊無綫新劇《三個女人一個「因」》嘅造型,趙永洪仲同東姑講貞子係佢偶像,原因係有邊個唔識貞子喎!

扮得女鬼貞子,當然唔少得由電視機爬出嚟嘅經典場面嘞。

 

呢個由趙永洪扮嘅貞子造型真係有啲恐怖,搞到東姑都驚驚。

 

早排,北京郵政出咗套趙永洪嘅頭像紀念郵票,粉絲一定要收藏!

 

呢套全國發行嘅紀念郵票,盛惠三百九十八蚊人仔。

 

除咗郵票之外,仲有一套兩款嘅型仔電話卡。

 

最近,趙永洪除咗忙拍《三個女人一個「因」》之外,仲同馬蹄露拍緊《翻生武林》,喺套戲入面,佢嘅必殺技係吹簫喎。