為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 07 月 08 日

產後抑鬱險婚變 袁詠儀自爆曾睇唔起伍詠薇

袁詠儀(靚靚)日前現身好友伍詠薇妹主持的《伍姑娘真識食》大談姊妹情,更剖白患產後抑鬱的經過,自爆與張智霖(Chilam)婚姻險出現危機,幸好老公立即停工陪伴。靚靚06年誕下兒子張慕童(魔童)後與Chilam都他寵愛有加。她坦言在誕下魔童後不久曾患上半年產後抑鬱:「當時對好小事都好敏感,乜都睇唔順眼,成日同Chilam大吵大鬧。記得有一次佢嬲到砰門走咗去,我先發覺佢真係忍得好辛苦,感到婚姻出現危機,於是我決定唔再逃避,正視自己問題。」當時,Chilam為了老婆就特意停工陪伴,靚靚感激老公多年體諒和照顧,笑言現在的生活滿分,無慾無求。另外,伍詠薇與港姐出身的袁詠儀因一部電影成為老友,靚靚笑言當年曾看不起亞姐出身的伍姑娘:「當年拍《姊妹情深》,阿旦同我講伍詠薇會飾演我姊妹,我心諗『吓?佢亞視架喎,同我一齊拍?』誰不知一拍即合,好似鬼上身咁,從此愛上伍姑娘,甩唔到身。」靚靚坦言最愛伍姑娘夠率真無機心,笑指雖然伍姑娘好無禮貌,成日叫她「食屎」,但寧願對方直腸直肚,好過被人背後插一刀。問到伍姑娘有甚麼缺點時,靚靚大爆伍姑娘最鍾意將食物的骨頭放在別人碟上:「好噁心!不過每次我嬲完都會細心諗,如果你認定呢個朋友,就要包容佢嘅優點同缺點,咁先可以做一世朋友。」

 

袁詠儀笑言當年曾看不起亞姐出身的伍姑娘,但二人一拍即合。

 

 

 

 袁詠儀坦言曾患產後抑鬱的經過,自爆與張智霖婚姻險出現危機,幸好老公立即停工陪伴及體諒她。